Bügın Aqparattyq-kommunikasiialyq ortalyǧynda Şymkent qalalyq Bılım basqarmasynyŋ basşysy Janat Täjievanyŋ qatysuymen brifing öttı.
Baspasöz mäjılısınde Janat Arysbekqyzy jaŋa oqu jylynyŋ bastaluy turaly söz qozǧady.
– Biylǧy oqu jylynda qalada bılım beru ūiymdary 17-ge artyp, 785 mekemede 350 myŋǧa juyq bılım aluşymen bastalǧaly otyr. Onyŋ ışınde 1-synypqa 25 005 bala qabyldandy. Mektep tabaldyryǧyn attaǧan būl büldırşınderge «Älıppe» oqulyǧy tabystalady. Osy oraida alǧaşqy qoŋyrau merekesı mektep aulasynda ötedı. Al oquşylar jaŋa oqu jylyn dästürlı formatta bastaidy. Būl rette mektep formasyna qoiylatyn talaptar saqtalady. Bıraq bılım ordasyna klassikalyq stildegı yŋǧaily kiımmen keluge de rūqsat etıledı. Aita ketetın jait, biyl mektep formasy üşın bır rettık qarjylai kömek 30 000 teŋge kölemınde 57 466 balaǧa berıldı, – dedı basqarma basşysy.
Brifingte belgılı bolǧandai, qaladaǧy bılım ūiymdarynda kündelıktı termometriia, kvarstau, jeldetu, dezinfeksiia jäne betperde rejimı saqtalady. Al barlyq bılım ūiymynda «Ashyq» jobasy tolyq qosylǧan. Osy oraida pedagogter men tehnikalyq personaldar 100% (medisinalyq qarsy körsetılımderı bar adamdardy qospaǧanda) vaksina alǧan.
Spikerdıŋ sözınşe, bılım aluşy auyrǧan jaǧdaida synyp qaşyqtyqtan oqytuǧa jıberılmek. Nauqas jäne bailanysta bolǧan ata-analar jaǧdaiynda balalar qaşyqtyqtan bılım alady. Sondai-aq, «bır synyp – bır kabinet» talaptary saqtalady.
Sonymen qatar, Şymkent qalasynyŋ mektepterındegı jalpy kompiuter sany – 56 746 dana. Qazırgı taŋda qala boiynşa mektepterde orta eseppen 1 kompiuterge keletın oquşy sany 4-tı qūraidy. Al bügınde beinebaqylau, turniket jäne dabyl batyrmalaryn ornatu jūmystary jürgızılude.
Aita keteiık, üşınşı megapoliste 2021-2022 oqu jylynda mektepterdı jaŋa modifikasiialanǧan jabdyqtarmen qamtamasyz etu maqsatynda 263 kabinet, 178 interaktivtı taqta (50-fizika, 95-himiia, 82-biologiia, 13-STEM, 23-robototehnika kabinetterın) ornatu jūmystary jürgızılude. Nätijesınde, jaŋa modifikasiialanǧan jabdyqtarmen qamtylǧan pän kabinetter ülesı 62,5 paiyzdy qūramaq.
Şymkent qalasynyŋ Aqparattyq-kommunikasiialyq ortalyǧy
Foto: Ernar Mamyr
Janat Tajieva Şymkent Qalasynyŋ Bılım Basqarmasy Baǧlan Oralhanūly
