Bügın Aqparattyq-kommunikasiialyq ortalyǧynda Şymkent qalasynyŋ Bılım salasynda sapany qamtamasyz etu departamentınıŋ basşysy Nūrgül Şämşievanyŋ qatysuymen brifing öttı.
Onda Nūrgül Aqylbekqyzy Şymkent qalasyndaǧy memlekettık mektepterde jürgızılgen keşendı monitoring qorytyndylary turaly aitty.
– Şymkent qalasynyŋ Bılım salasynda sapany qamtamasyz etu departamentı QR Ükımetınıŋ janyndaǧy kämeletke tolmaǧandardyŋ ısterı jäne olardyŋ qūqyqtaryn qorǧau jönındegı vedomstvoaralyq komissiia töraǧasynyŋ jäne QR Bılım jäne ǧylym ministrınıŋ 2021 jylǧy 18 mamyrdaǧy HHH otyrysynda bergen hattamalyq tapsyrmasyn oryndau üşın osy jyldyŋ mausym-şılde ailarynda qaladaǧy 138 memlekettık mektepke monitoring jürgızdı. Monitoring maqsaty – bılım beru ūiymdarynyŋ jai-küiı men qauıpsızdıgın, bılım beru qyzmetıne qoiylatyn bılıktılık talaptaryna jäne bılım beru ūiymdarynyŋ jabdyqtarmen jäne jihazben jabdyqtaudyŋ normalaryna säikestıgın baqylau, – dedı departament basşysy.
Spikerdıŋ sözınşe, monitoring qorytyndylary atalǧan mäseleler boiynşa qala mektepterınde problemalyq sūraqtardyŋ bar ekenın körsetken. Tekseru nätijesınde bırqatar mekteptıŋ ortalyqtandyrylǧan su jüiesıne qosylmaǧandyǧy, internet mäselesı, ystyq tamaqty ūiymdastyruda qyzmetterdı memlekettık satyp alu boiynşa konkurs ötkızılmegendıgı siiaqty olqylyqtar baiqalǧan. Būl turaly qala äkımımen ü.j. 2 tamyzda ötken kezdesu barysynda jasalǧan baiandamada atap ötılgen. Al anyqtamalyq aqparat qalalyq Bılım basqarmasyna jıberılgen.
Brifing barysynda Nūrgül Aqylbekqyzy biyl lisenziiasyn alǧan №136, №137 jäne №138 mektepterınıŋ zaman talabyna sai ekendıkterın erekşe atap öttı. Aldaǧy uaqytta osyndai mektepterdıŋ sany köbeise degen nietın bıldırdı.
Sonymen qatar, jeke käsıpkerlerdıŋ menşıgıne tiesılı «Adana», «Abadan-successfull», «TM and art Educational», «Şyŋǧys han» siiaqty mektepterdıŋ zamanaui jabdyqtalyp, bılım berudıŋ ozyq ülgılerın qoldanatyndyǧyn airyqşa jetkızdı.
Şymkent qalasynyŋ Aqparattyq-kommunikasiialyq ortalyǧy
Foto: Ernar Mamyr
