Búgin Aqparattyq-kommýnıkaııalyq ortalyǵynda Shymkent qalasynyń Bilim salasynda sapany qamtamasyz etý departamentiniń basshysy Nurgúl Shámshıevanyń qatysýymen brıfıng ótti.
Onda Nurgúl Aqylbekqyzy Shymkent qalasyndaǵy memlekettik mektepterde júrgizilgen keshendi monıtorıng qorytyndylary týraly aıtty.
– Shymkent qalasynyń Bilim salasynda sapany qamtamasyz etý departamenti QR Úkimetiniń janyndaǵy kámeletke tolmaǵandardyń isteri jáne olardyń quqyqtaryn qorǵaý jónindegi vedomstvoaralyq komıssııa tóraǵasynyń jáne QR Bilim jáne ǵylym mınıstriniń 2021 jylǵy 18 mamyrdaǵy HHH otyrysynda bergen hattamalyq tapsyrmasyn oryndaý úshin osy jyldyń maýsym-shilde aılarynda qaladaǵy 138 memlekettik mektepke monıtorıng júrgizdi. Monıtorıng maqsaty – bilim berý uıymdarynyń jaı-kúıi men qaýipsizdigin, bilim berý qyzmetine qoıylatyn biliktilik talaptaryna jáne bilim berý uıymdarynyń jabdyqtarmen jáne jıhazben jabdyqtaýdyń normalaryna sáıkestigin baqylaý, – dedi departament basshysy.
Spıkerdiń sózinshe, monıtorıng qorytyndylary atalǵan máseleler boıynsha qala mektepterinde problemalyq suraqtardyń bar ekenin kórsetken. Tekserý nátıjesinde birqatar mekteptiń ortalyqtandyrylǵan sý júıesine qosylmaǵandyǵy, ınternet máselesi, ystyq tamaqty uıymdastyrýda qyzmetterdi memlekettik satyp alý boıynsha konkýrs ótkizilmegendigi sııaqty olqylyqtar baıqalǵan. Bul týraly qala ákimimen ú.j. 2 tamyzda ótken kezdesý barysynda jasalǵan baıandamada atap ótilgen. Al anyqtamalyq aqparat qalalyq Bilim basqarmasyna jiberilgen.
Brıfıng barysynda Nurgúl Aqylbekqyzy bıyl lıenzııasyn alǵan №136, №137 jáne №138 mektepteriniń zaman talabyna saı ekendikterin erekshe atap ótti. Aldaǵy ýaqytta osyndaı mektepterdiń sany kóbeıse degen nıetin bildirdi.
Sonymen qatar, jeke kásipkerlerdiń menshigine tıesili «Adana», «Abadan-successfull», «TM and art Educational», «Shyńǵys han» sııaqty mektepterdiń zamanaýı jabdyqtalyp, bilim berýdiń ozyq úlgilerin qoldanatyndyǵyn aıryqsha jetkizdi.
Shymkent qalasynyń Aqparattyq-kommýnıkaııalyq ortalyǵy
Foto: Ernar Mamyr
