Şymşahardaǧy barlyq mektepterde qyrküiek aiynda el Täuelsızdıgınıŋ 30 jyldyǧyna orai «Täuelsızdık jetıstıgı» taqyrybynda synyp saǧaty men aşyq sabaqtar ötkızıledı. Ūrpaq sanasyna egemendık jyldardyŋ qasietın tüsındırer joba aiasyndaǧy tärbie saǧaty jalpy bılım beretın №137 orta mektebınde bastau aldy.
Is-şaranyŋ basty maqsaty – Täuelsızdıktıŋ 30 jyldyq mereitoiynyŋ maŋyzdylyǧyn jäne Tūŋǧyş Prezident – Elbasy Nūrsūltan Nazarbaevtyŋ täuelsız memlekettıŋ qalyptasuy men damuy jolynda atqarǧan eŋbegın jas ūrpaqqa jetkızu.
Aşyq sabaqqa tek oquşy men ūstazdar ǧana qatyspai, qalanyŋ qalyptasuyna jäne aimaqtyŋ damuyna üles qosqan ziialy qauym ökılderı arnaiy şaqyrylǧan. Jiynǧa ardager ūstaz Nyşanbek Baiǧūtov, «Şymkent qalasynyŋ äielder keŋesı» qoǧamdyq bırlestıgınıŋ töraiymy Baian Jandosova, qalalyq oqu-ädıstemelık ortalyǧynyŋ direktory Meruert Asqarbekqyzy qatysty.
Täuelsızdıktıŋ jetıstıkterın jete tüsıngen jas buyn, kezdesuge kelgen qonaqtarǧa sūraqtar qoiyp, elımızdıŋ ötkenı men bügını jaiynda qyzu pıkırtalas ūiymdastyrdy. Synyp saǧatynda oquşylarǧa el Täuelsızdıgınıŋ 30 jyl ışınde qol jetken jetıstıkterı, osy joldaǧy Elbasynyŋ sarabdal saiasatynyŋ jemısı, elımızdıŋ saiasi-äleumettık ahualy, bılım men mädeniet, tarih, ruhani qūndylyqtar, el bırlıgı men tynyştyǧy turaly kelelı sözder aityldy. Is-şarada oquşylar önerın ortaǧa saldy. Bırı aqyn-jazuşylardyŋ öleŋın jatqa oqysa, endı bırı dombyramen än şyrqady.
A.JÄDIGERŪLY Foto Serık QOSAEV
