Şymşaharda QR Täuelsızdıgınıŋ 30 jyldyǧy aiasynda qala äkımı Mūrat Äitenovtıŋ bastamasymen üş audanda jastarǧa arnalǧan ortalyqtar paidalanuǧa berıldı.
Qaratau audanyndaǧy jaŋa ortalyqtyŋ aşylu saltanatyna qatysqan şahar basşysy Mūrat Düisenbekūly audan jastaryn zamanaui resurstyq ortalyqtyŋ aşyluymen qūttyqtady.
– Respublikalyq statusqa ie bolǧaly qalamyz jan-jaqty damyp keledı. Şahardaǧy halyqtyŋ ortaşa jasy 28-dı qūraidy. Būl degenımız Şymkenttı jastar qalasy deuge bolady degen söz. Al jastarǧa zamanaui ortalyqtar qajet.
Jalpy endı mūnyŋ bärı memleketımızdıŋ jastarǧa degen köŋılı. Erteŋgı jastar – elımızdıŋ ırgetasy. Solarǧa bılım beru, jaǧdai jasau, jaŋa zamanaui sentrlerdı aşu – memleketımızdıŋ basty baǧdarlamalary, basty baǧyttary bolyp tabylady, - dedı qala äkımı.
Mūnan soŋ, şahar basşysy Qaratau audandyq jastar ortalyǧynyŋ jūmysymen tanysyp, «Qazaqstan jastar kongresı» zaŋdy tūlǧalar bırlestıgınıŋ atqaruşy direktory Toqtar Bolysovtyŋ yntymaqtastyq memorandumyna qol qoidy.
Al qalalyq «Jastar resurstyq ortalyǧy» KMM-nıŋ basşysy Erlan Aitbaevtyŋ aituynşa, jaŋa ǧimarat jastarǧa qyzmet körsetu ortalyǧy qaǧidaty boiynşa (jūmysqa ornalastyru, tūrǧyn üi mäselelerı, memlekettık baǧdarlamalar, käsıpkerlık jäne t.b.) jūmys ısteitın bolady.
Sondai-aq, qoldanystaǧy memlekettık baǧdarlamalar, jastarǧa arnalǧan mümkındıkter jäne qalada jürgızılıp jatqan reformalar, jas otbasylar arasynda ajyrasudyŋ aldyn alu, NEET sanatyndaǧy jastarmen jūmys, jastarǧa anonimdı psihologiialyq kömek körsetu, jastar men jastar ūiymdaryna qūqyqtyq, ädıstemelık kömek körsetu turaly keŋester ötkızıledı.
Azamat JAPPAR, Serık QOSAEV
