Şymkentte «Mümkındıkter alaŋy» bos jūmys oryndary järmeŋkesı ötedı

Aǧymdaǧy jyldyŋ 17 qyrküiek künı «Arbat» alaŋynda saǧat 10.00-18.00-ge deiın jūmyssyz jastarǧa arnalǧan «Mümkındıkter alaŋy» bos jūmys oryndary järmeŋkesı ötedı. Is-şaranyŋ maqsaty - qalanyŋ joǧary jäne orta arnauly oqu oryndarynyŋ tülekterı, jalpy 29 jasqa deiıngı jūmyssyz jürgen jastardy nätijelı ärı tūraqty jūmyspen qamtu, jūmys beruşı mekemeler qajettı mamandar taŋdaularyna, al jūmys ızdeuşılerge jūmysqa ornalasularyna mümkındık beru jäne keŋes alu. Järmeŋkege 50-ge juyq jūmys beruşı mekemeler qatysyp, 9000-ǧa juyq medisinalyq, tehnikalyq, pedagogikalyq, jeŋıl önerkäsıp jäne qyzmet körsetu salalary boiynşa tūraqty jäne uaqytşa bos jūmys oryndary ūsynylady. Qala jastaryna «Eŋbek» memlekettık baǧdarlamasynyŋ şeŋberınde «Äleumettık jūmys oryndary», «Jastar praktikasy» , «Alǧaşqy jūmys orny» baǧyttary boiynşa aqyly jūmystary da ūsynylady. Joǧarǧy oqu oryndary men kolledj tülekterı üşın jastar baǧdarlamasynan bölek, eŋbek naryǧynda sūranysqa ie mamandyqtarǧa käsıbi oqytu kurstary turaly mälımet berıledı. Sondai-aq, ıs-şara aiasynda qyzmet körsetu būryştary ornatylyp, jūmyspen qamtu ortalyǧy mamandarynyŋ keŋesı (tüiındeme qūrastyru ülgısı,ESQ kıltın aşu jäne enbek.kz portalyn paidalanu mümkındıkterı jäne t.b.) berıledı.