Şymkent qalasynyŋ äkımı M.Äitenov tamyz konferensiiasynda bılım salasy qyzmetkerlerıne oquşylardyŋ bılım sapasyn arttyrudy, ūstazdardyŋ öz bılımın jetıldırude ünemı ızdenıste boluyn jäne käsıbi tūrǧydan jan-jaqty daiyndalu kerektıgın jüktegen bolatyn.
Bügıngı oquşy – erteŋgı qala tūrǧyny ekenın eskersek, şaharda jastaiynan bılım men ǧylymǧa, mädeniettılıkke den qoiyp, bäsekege qabılettı ūrpaq ösıru maŋyzdy mındet. Osyndai daryndy balalardy tärbielep, bılım mekemesın qalada ozyq deŋgeige jetkızgen ūstazdyŋ bırı – Arman Orynbekov. Bügınde ol №90 daryndy balalarǧa arnalǧan mamandandyrylǧan mekteptıŋ direktory, ärı tarih pänınıŋ mūǧalımı qyzmetın atqarady.
2012 jyly Asar şaǧyn audanyndaǧy №90 mekteptıŋ basşylyq tızgının qolǧa alǧannan qazırge deiın bılım ordasynan 60 «Altyn belgı» men 40 «Üzdık attestat» iegerı şyqsa, 9-synyp oquşylarynyŋ 60-y «Üzdık attestat» alǧan. Sondai-aq, atalǧan mekteptıŋ 700 tülegı Memlekettık Grantty ielengen. Mūndai joǧary körsetkışpen №90 mektep-gimnaziia qaladaǧy eŋ üzdık mektep qataryna endı.
Alǧaş aşylǧanda, «orta mektep» deŋgeiındegı bılım ordasy aituly jetıstıkter nätijesınde 2020 jyly «mektep-gimnaziia», ary qarai «daryndy balalarǧa arnalǧan mamandandyrylǧan mektep-gimnaziiasy» märtebesıne köterıldı.
A.Orynbekovtıŋ özı 15 jasynda mektep bıtırıp, 19 jasynda JOO-ny aiaqtaǧan. Ūstazdar dinastiiasynyŋ ökılı bügınde şeber pedagog, pedagogika ǧylymynyŋ magistrı, Qazaqstan pedagogikalyq akademiiasynyŋ professory. Ol 2019 jyly elımızdıŋ «Üzdık pedagog» baiqauynyŋ 10 finalisınıŋ qūramyna kırse, 2020 jyly TEACHER PRIZE KAZAKHSTAN ūiymdastyrǧan «ÄLEM MŪǦALIMI-2020», «ÄLEM MŪǦALIMI -2021» älemdık jüldelerınıŋ ırıkteu kezeŋderıne qatysty.
Biyl Memleket basşysy Q.Toqaevtyŋ Jarlyǧymen «QAZAQSTANNYŊ EŊBEK SIŊIRGEN ŪSTAZY» qūrmettı ataǧyn tūŋǧyş ret ielengen ūstaz Arman Orynbekov bolatyn.
«Y.Altynsarin» tösbelgısınıŋ iegerı, Şymkent qalasynyŋ «Üzdık mektep direktory» nominasiia men «Bılım salasynyŋ üzdıgı», OQO «Üzdık ūstaz -2009», Şymkent qalasynda «Üzdık ūstaz-2007» jäne «Üzdık jas ūstaz-2006» nominasiialarynyŋ jeŋımpazy. Arman Şymbaiūlynyŋ «Qazaqstan tarihy» pänınen şyǧarǧan 20 avtorlyq oqulyq, oqu-ädıstemelık qūraldaryn elımızdıŋ ūstazdary paidalanyp keledı.
Alǧaş eŋbek jolyn bastaǧan 1997 jyldan bügınge deiın qalalyq, oblystyq, respublikalyq, halyqaralyq pän olimpiadalary, ǧylymi joba, türlı baiqaularda 150-den astam oquşysy jüldelı oryndarǧa ie bolǧan.
Şymkenttıŋ bılım körsetkışın arttyru – strategiialyq maqsat retınde qarasaq, basty kapitaly – ol adam. Şaharda jaŋa sipatta oilaityn, bılımdı, bäsekege qabılettı ūrpaqty tärbieleu jūmysy aiqyndalyp, adam kapitalyn arttyru mındettelgen.
Şymkent qalasy äkımdıgınıŋ baspasöz qyzmetı
