«Alǧaşqy jūmys orny» jobasy aiasynda jüzdegen asa jas jūmysqa ornalasty

QR Täuelsızdıgınıŋ 30 jyldyǧy aiasynda, Şymkent qalasynda jūmysqa alǧaş ret ornalasatyn, eŋbek täjıribesı joq jastardy qoldau maqsatynda «Alǧaşqy jūmys orny» jobasy jürgızılude. Bügınge deiın jobaǧa qatysuǧa 109 jas niet bıldırıp, qazırgı taŋda öz mamandyǧy boiynşa türlı mekemeler men käsıporyndarǧa joldanyp, ekı jylǧa tūraqty jūmysqa ornalasty. Alǧaşqy jūmys orny jobasy - «Nätijelı jūmyspen qamtudy jäne jappai käsıpkerlıktı damytudyŋ» 2017-2021 jyldarǧa arnalǧan «Eŋbek» memlekettık baǧdarlamasynyŋ III baǧyty aiasynda jüzege asyrylyp otyr. Jūmyspen qamtu ortalyǧy jūmys beruşılermen kelısımşart jasap, oqu ornyn endı tämamdaǧan jastar 24 ai jūmyspen qamtylady. Nätijesınde jūmyssyzdyq deŋgeiı tömendep, jastar ekı jyldyq täjıribe men bılıktılıgın arttyrady. Jalpy atalǧan jobaǧa 29 jasqa deiıngı müldem jūmys ötılımı joq jūmyssyz jastar, onyŋ ışınde NEET sanatyndaǧy jastar qatysa alady. Sonymen qatar, alǧaşqy jūmys ornyna ornalasuǧa köp balaly nemese az qamtylǧan otbasy müşelerıne, eŋbekke qabılettı mümkındıgı şekteulı jandar men tehnikalyq jäne käsıptık mamandyq ielerıne basymdyq berıledı. Jobaǧa qatysuşynyŋ eŋbekaqysy – 20 AEK. Halyqty jūmyspen qamtu ortalyǧy jūmystyŋ alǧaşqy 12 aidyŋ eŋbekaqysyn subsidiialaidy. Ümıtkerler tırkelgen mekenjaiy boiynşa jūmyspen qamtu ortalyǧy bölımşelerıne jeke kuälıgı men bılımı turaly qūjat köşırmesın tapsyryp, ötınım bere alady.