Şymkentte "Ūlttyq saraptama ortalyǧy" ŞJQ RMK men İzraildıŋ AID Genomics halyqaralyq genomdyq kompaniiasy arasyndaǧy kelısım aiasynda koronavirustyq infeksiiany diagnostikalauǧa arnalǧan zerthanalyq keşen aşyldy.
Keşennıŋ aşyluyna Şymkent qalasy äkımınıŋ bırınşı orynbasary Şyŋǧys Mūqan, İzraildıŋ Qazaqstandaǧy Elşılıgı Missiiasy basşysynyŋ orynbasary jäne taǧy basqa qonaqtar qatysty.
Aşylǧan zerthanalyq keşendı jūqpaly aurulardy diagnostikalauǧa mamandandyrylǧan AID Genomics kompaniiasy zerthanaǧa arnap gumanitarlyq kömek retınde KOVİD-19 zertteu jabdyqtarymen qamtamasyz ettı. Al būl zerthanalyq jabdyqtar täulıgıne 2500-ge deiın test anyqtauǧa qabılettı, önımdılıgı joǧary tolyq avtomattandyrylǧan keşen bolyp sanalady
Būdan bölek nätijelerdı qalyptastyru, prosestı monitoringteu jäne jedeldetu üşın jasandy intellekt tehnologiiasyn paidalanatyn baǧdarlama paidalanuǧa berıletın boldy. Al būl öz kezegınde adam faktorynyŋ äserın barynşa azaitady jäne nätijelerdıŋ däldıgın qamtamasyz etedı. Sondai-aq, KOVİD-testıleu keşenı joǧary önımdı, jyldam, däl nätije beredı. Atalmyş jabdyq Şymkent qalasy boiynşa käsıporyn bazasynda ornatyldy.
Jalpy, AID Genomics - qaterlı ısık jäne jūqpaly aurularmen auyratyn nauqastardy diagnostikalau men emdeudı jüzege asyratyn medisinalyq tehnologiialarǧa mamandanǧan halyqaralyq kompaniialar toby. Onda onkologiia, molekulalyq biologiia, molekulalyq patologiia, genomika jäne bioinformatika salasyndaǧy jetekşı mamandary jūmys ısteidı.
Sondyqtan İzraildıŋ koronaviruspen kürestegı jetıstıkterınıŋ aiasynda zerthanalyq jabdyqtyŋ berıluı infeksiialyq aurulardyŋ taraluyn boldyrmauǧa zor mümkındık beretın bolady.
Zerthanalyq keşen aşu bastamasy Qazaqstannyŋ İzraildegı elşılıgınıŋ qoldauymen jüzege asyrylyp otyr.
Şymkent qalasynyŋ Aqparattyq-kommunikasiialyq ortalyǧy
