Şymkent qalasy Äl-Farabi audanynyŋ äkımı Raşid Myŋbaev «SHANYRAQ» ortalyǧynyŋ jūmysymen tanysty.
-Ajyrasu – qoǧamnyŋ eŋ ülken mäselenıŋ bırı. Küizelıske ūşyraǧan ata-analar psihologiialyq kömekke zäru. Al tolyq emes otbasyda ösken balanyŋ keleşekte qoǧamǧa sıŋısuı, adamdarmen tıl tabysuy qiynǧa soǧady. Jasqanşaq bolǧan balalardyŋ özderı de tūraqsyz ärı depressiiaǧa jaqyn keledı. Osy mäselenıŋ aldyn alu üşın «SHANYRAQ» ortalyǧy aşylyp, igı ıster atqaryluda. Aldaǧy uaqytta sızdermen etene jaqyn jūmys ısteitın bolamyz,-dedı Raşid Mamytūly.
Aşylǧanyna nebärı bır jyl bolǧan ortalyq qaladaǧy osal toptardyŋ äleumettık kartasyn daiyndauda eleulı ıster atqaryp keledı.
Äleumettık mäseleler jönınde qalanyŋ tört audanymen tyǧyz bailanys ornatqan ortalyqta jas analarmen bırge äjeler jäne jalǧyz basty äkelerdıŋ de mektebı jolǧa qoiylǧan.
Ortalyq meŋgeruşısı Abibulla Qalymbettıŋ sözınşe, ortalyqta azamattar kündelıktı bas qosyp, özın mazalap jürgen mäselelerdı ortaǧa salady. Sebebı ortalyqta psihologiialyq, äleumettık jäne qūqyqtyq keŋes beru qyzmetı aqysyz jürgızıledı.
Tıptı mūnda bala asyrap alu jönınde keŋes alumen men özge käsıp igeruge jäne jūmyspen qamtu tūrǧysynan da järdem aluǧa mümkındık bar.
Bır jyl ışınde 9 859 azamat ortalyqta psihologiialyq, qūqyqtyq, AÄK-ke qūjat tapsyru, üi kezegıne tūru boiynşa keŋes alǧan.
Būdan özge, köpbalaly jäne nauqas bala kütımındegı 143 ana tıgın massaj, SMM kurstary men konditerlık şeberlık saǧatyna qatysyp, qazır öz käsıbın döŋgeletıp otyr.
Şymkent qalasynyŋ Aqparattyq-kommunikasiialyq ortalyǧy
