«Eŋbek» baǧdarlamasyna halyqtyŋ senımı künnen-künge artyp keledı. Sondyqtan da atalǧan baǧdarlama arqyly jūmysqa ornalasuşylardyŋ sany ösude. Onyŋ ışınde tūraqty jūmysyn tauyp, tırşılıgın jalǧastyryp jatqandar da öte köp.
Būl turaly Şymkenttıŋ Jūmyspen qamtu jäne äleumettık qorǧau basqarmasynyŋ basşysy B.Narbekovanyŋ 9 ailyq esebınde de aityldy.
Esepte körsetılgendei basqarmada 2021 jyly «Eŋbek» baǧdarlamasy şeŋberınde 33 500 adamdy jūmyspen qamtu şaralaryna qatystyru josparlanǧan. Bügıngı künı 19 347 adam jūmysqa ornalasqan.
Al «Bastau biznes» jobasymen käsıpkerlık kursyna baǧdarlamanyŋ I baǧyty boiynşa 2 675 adam 3 ailyq käsıptık oqytu kurstaryna, II baǧyty boiynşa 2 155 adam oqytuǧa jıberıldı. Sondai-aq, baǧdarlamaǧa qatysuşylarǧa jaŋa biznes-ideialardy ıske asyru üşın 53 adamǧa şaǧyn nesie berılıp, 584 adamǧa memlekettık grant berıldı.
Baǧdarlamanyŋ III halyqty jūmyspen qamtuǧa järdemdesu baǧyty boiynşa jūmystar öz nätijesın berude. Būl baǧyt boiynşa bügınde 8 168 adam bos jäne jaŋa jūmys oryndarǧa, 336 adam äleumettık jūmystarǧa joldandy.
Al jastar praktikasyna 2 531 adam, qoǧamdyq jūmysqa 2 845 adam jäne 115 adam «Alǧaşqy jūmys oryndary» jobasy boiynşa 24 aiǧa joldandy.
Sondai-aq, basqarma basşysynyŋ esebınde öz esebınde halyqty äleumettık qorǧau baǧyty boiynşa osy jyldyŋ I, II jäne III toqsany boiynşa 87 264 otbasyǧa memlekettık atauly äleumettık kömektıŋ tölengenı de aityldy.
Şymkent qalasynyŋ Aqparattyq-kommunikasiialyq ortalyǧy
