M. Äitenov: Bes jylda 101 mektep salynady

«Ońtústik» telearnasynyŋ efirınde qala tūrǧyndarymen tıkelei bailanysqa şyqqan Şymkent qalasynyŋ äkımı Mūrat Äitenov bılım salasynyŋ aldaǧy josparymen bölıstı. Biyl qalada 202 – orta bılım beru ūiymdarynda 242 525 oquşy bılım aluda. Qazır 9 mektep üş auysymda oqytuda, 4 mektep yŋǧailastyrylsa, mektebı joq 11 eldı meken bar. Al bala-baqşamen qamtu 100 paiyz jüzege asyrylǧan. Qala äkımı efir barysynda Memleket basşysynyŋ tapsyrmasyna säikes, aldaǧy 5 jylda 101 mektep salynatynyn aitty. Jyl basynda 32 mekteptıŋ qūrylysy bastalyp, qazır onyŋ 24-ı paidalanuǧa berılgen. Onyŋ ışınde 20 mektep jekemenşık bolsa, 4 bılım ūiymy biudjet esebınen salynǧan. –Jüielı jūmystyŋ nätijesınde qalada apatty mektep mäselesı tolyǧymen joiyldy. Üş auysymdy mektepter sany 14-ten 9-ǧa, yŋǧailastyrylǧan mektepter sany 5-ten 4-ke kemıdı, mektebı joq şaǧynaudandar 13-ten 11-ge, oquşy tolymdylyǧy artqan mektepter sany 21-den 17-ge azaiatyn bolady. Jarqyn bolaşaq üşın bılım oşaqtaryn joǧary därejede jabdyqtau men jaǧdai jasau basty mındetımız, -dedı qala äkımı.