Bügın Şymkent qalasynyŋ Jūmyspen qamtu jäne äleumettık qorǧau basqarmasynyŋ basşysy B.Narbekova Aqparattyq-kommunikasiialyq ortalyǧynda ötken baspasöz brifingınde memleket basşysynyŋ halyqqa Joldauyn ıske asyru baǧytynda äleumettık qorǧau saiasatynyŋ jüzege asyryluy men halyqty jūmyspen qamtu baǧyttarynyŋ aǧymdaǧy jyldyŋ 9 ailyq körsetkışı turaly baiandady.
Basqarma basşysynyŋ aituynşa, biyl «Eŋbek» memlekettık baǧdarlamasynyŋ şeŋberınde jyl soŋyna deiın 33 500 adamdy jūmyspen qamtu şaralaryna qatystyru josparlanyp, naqty 9 aidyŋ körsetkışı boiynşa 19 347 adam jūmyspen qamtylǧan.
115 adam «Alǧaşqy jūmys oryndary» jobasy boiynşa 24 aiǧa joldandy. Al halyqty äleumettık qorǧau baǧyty boiynşa 2021 jyldyŋ I toqsanynda 36 969 otbasyǧa, II toqsanda 30 962 otbasyǧa, III toqsanda 19 333 otbasyǧa memlekettık atauly äleumettık kömek tölendı.
Basqarmaǧa qarasty «Şapaǧat» äleumettık qyzmetter körsetu ortalyǧy janynan «Ten qogam» äleumettık keŋes beru ortalyǧynda 4224 mümkındıgı şekteulı azamattarǧa türlı qyzmet körsetıldı. Onyŋ ışınde 2099 azamat sanatorii-kurorttyq emdeluge joldama aluǧa ötınım bergen bolsa, 1783-ı joldamaǧa ie boldy. «Bastau biznes» jobasy boiynşa 1 azamat käsıpkerlık negızderıne oqytuǧa joldandy. Al psihologtyŋ kömegıne jügıngender sany-20, mındettı gigienalyq qūraldar alǧandar sany-225 qūrap otyr.
Sondai-aq, basqarma biyl jyl basynda ıske qosylǧan äleumettık qyzmetter portaly arqyly mümkındıgı şekteulı azamattarǧa berıletın tehnikalyq kömekşı jäne arnauly jürıp-tūru qūraldarymen qamtamasyz etu boiynşa qyzmet körsetedı.
Basşynyŋ aituynşa 9 ailyq körsetkışı boiynşa protezdık-ortopediialyq kömekke jäne tehnikalyq kömekşı (ornyny toltyruşy) qūraldarǧa mümkındıgı şekteulı azamattardan 5 522 ötınış qabyldanyp, 2 805 qūralmen qamtylǧan. Onyŋ ışınde surdotehnikalyq, tiflotehnikalyq, gigienalyq qūraldarmen qatar, mügedekterge arnalǧan qol arbalar berıldı. 8 932 azamattan şipajai oryndaryna emdelu üşın joldamaǧa ötınışter qabyldanyp, onyŋ 2 689 azamaty joldama aldy.
Mügedekterge arnaiy jabdyqtalǧan «İnvataksi» jäne Ūly Otan soǧys ardagerlerı men mügedekterıne, jürıp-tūruy qiyn 1-2-şı toptaǧy mügedekterge emdeu mekemelerıne jäne qoǧamdyq oryndarǧa aparuǧa arnalǧan «Äleumettık taksiler» de auqymdy qyzmet körsettı.
Şymkent qalasynyŋ Aqparattyq-kommunikasiialyq ortalyǧy
