"Balalarym üşın..." Erlan Bıläl sotta soŋǧy sözın aitty

Para aldy dep aiyptalǧan ärtıs sottan bas bostandyǧynan aiyrmaudy jäne aiyppūl kölemın mümkındıgınşe tömendetudı sūrady ASTANA, 6 aqpan — Sputnik. Äuezov atyndaǧy qazaq memlekettık akademiialyq drama teatrynyŋ  būrynǧy direktory Erlan Bıläl sotta soŋǧy sözın aitty, dep habarlaidy Sputnik Qazaqstan tılşısı. Erlan Bıläl QR Qylmystyq kodeksınıŋ  24-baby, 3-bölıgı, 366-baby, 2-bölıgınde (para aluǧa oqtalu) qarastyrylǧan qylmysty jasady dep aiyptaluda. Sotta ol "Sezam" şyǧarmaşylyq qorynyŋ prezidentı Baianovtan 2018 jyldyŋ 2 qaŋtary künı 600 myŋ teŋge alǧanyn aitty. 4 qaŋtar künı 900 myŋ teŋge alyp jatqan jerınen ūstalǧan. Ol soŋǧy sözınde qiyn jaǧdaiǧa tap bolǧanyn, kınäsın moiyndap, ökıngenın atap öttı. Bıläl sottan otbasylyq jäne densaulyq jaǧdaiyn nazarǧa ala otyryp, bas bostandyǧynan aiyrmaudy jäne memlekettık aiyptauşy sūraǧan aiyppūl kölemın mümkındıgınşe tömendetudı ötındı. Sondai-aq ol sottan ataqtary men marapttaryn "tartyp almaudy" sūrady. "Şyǧarmaşylyq adamy retınde qūrdymǧa ketpeuım üşın, odan ärı jyljuǧa küş tabu üşın menıŋ ataqtarymdy tartyp almauyŋyzdy ötınemın… ", — dedı ol. Erlan Bıläl būryn eşqaşan polisiiaǧa tüspegenın aita kele, köz jasyna erık berdı. " Men kınälımın, qatelestım, ötınemın, eger zaŋ būǧan mümkındık berse, balalarym üşın menı qoldap jıberıŋız. Eger maǧan qoldau körsetseŋız, elımızdıŋ igılıgı üşın qaitadan eŋbek etemın, studentterge qaita sabaq beremın ", — dedı Bıläl. Memlekettık aiyptauşy Erlan Bılälge jaza retınde paranyŋ alpys eselengen kölemı  — 90 million teŋge öndırudı sūrady. Qorǧauşy tarap Qylmystyq kodekstıŋ 65-baby boiynşa (qatty ökınuıne bailanysty qylmystyq jauapkerşılıkten bosatu) Bıläldı qylmystyq jauapkerşılıkten bosatu nemese prokuror sūraǧan aiyppūl kölemın tömendetudı sūrady. Sondai-aq onyŋ tört balasy bar ekenı, onyŋ ekeuı kämeletke tolmaǧany atalyp öttı. Esterıŋızge sala ketsek, 5 qaŋtarda M.Əuezov atyndaǧy akademiialyq qazaq drama teatrynyŋ direktory teatr bazasyn balalarǧa arnalǧan merekelık şaralardy ötkızuge jalǧa bergenı üşın 1,5 million teŋge kölemınde para almaq bolǧany anyqtaldy. QR eŋbek sıŋırgen qairatkerı Erlan Bıläl Äuezov atyndaǧy qazaq memlekettık akademiialyq drama teatryn 2015 jyldyŋ 27 säuırınen berı basqaryp kelgen.

---

 https://sputniknews.kz