Şymkent qalasyndaǧy emhanalar janynan qūrylǧan mobildı brigadalardyŋ jūmysy qataŋ baqylauda. Mobildı top qyzmetkerlerdıŋ nauqastarǧa üi jaǧdaiynda dūrys ambulatorlyq qyzmet körsetuın situasiialyq ortalyqtaǧy mamandar üilestırıp otyrady. Būl jūmystar keşegı ötken ştab otyrysynda qala äkımı M.Äitenov bergen tapsyrma negızınde jüzege asyrylyp otyr.
Bügın qalalyq densaulyq saqtau basqarmasynyŋ basşysy B.Pozilov emhanalardy aralap, mobildı brigadalardyŋ jūmysyn üilestıretın situasiialyq ortalyqtyŋ jūmysyn baqylap şyqty.
Mobildı toptyŋ qūramyna jalpy täjıribelı därıger, terapevt, pediator jäne medbike kıredı. Nauqastyŋ densaulyǧyn teksergen mamandar odan PTR-synama aldy. Nätijesı keiınırek belgılı bolady.
Qazırgı taŋda 39 memlekettık jäne jekemenşık emhanada şaqyrtuǧa baratyn 216 mobildı brigada jäne 45 onlain konsultasiia beretın brigada jūmys ısteude.
Brigada qyzmetkerlerı Covid-19, pnevmoniiaǧa şaldyqqan, jıtı respiratorlyq aurudyŋ belgılerı barpasientterge üide ambulatoriialyq-emhanalyq kömek körsetıp, kovidkeküdıktı pasientterden jedel PTR synamasyn alady
Şymkent qalasy qazır koronavirus ındetı örşıp tūrǧan aimaqtardyŋ qatarynada. Qauıptılıktıŋ qoiu qyzyl deŋgeiı jariialandy. Jaǧdaidy baqylauda ūstauǧa barlyq sala jūmyldyrylǧan.
Şymkent qalasy äkımdıgınıŋ baspasöz qyzmetı
