«Qazvodhoz» RMK «Qostanaı-Sý» MKK, «Rýdnenskıı Vodokanal» JShS, «Tobyl» MKK-ǵa jer ústi aǵyndaryn retteý boıynsha qyzmet kórsetedi. Press-týr aıasynda kásiporyn jalpy quny 16 mln 192 myń teńgeni quraıtyn jańa arnaıy tehnıkany kórsetti.
2020 jyly bul qarajatqa 3 mln 299 myń teńgege qar tazalaǵysh mashına, 12 mln 133 myń teńgege shómish tıegish jáne 760 myń teńgege eki rezervtik elektr qozǵaltqyshy satyp alyndy. Bul qyzmet kórsetý sapasyn arttyrady, biraq tarıfke eshqandaı áser etpeıdi. «Qazvodhoz» RMK dırektorynyń orynbasary Qaıdar Qosylbaev kommýnaldyq qyzmetterge, aýylsharýashylyq jáne baý-baqsha seriktestikterine arnalǵan óndiristik sýdyń tarıfi ózgermeıtinin atap ótti.
Eger buryn ónerkásiptik sýdyń baǵasy QQS-syz 1,315 teńge/m3 bolsa, qazir ol 0,87 teńge/m3 deıin tómendedi. Bul tarıf 2022 jyldyń 31 tamyzyna deıin bekitilgen. «Qostanaı-Sý» MKK málimeti boıynsha tutynýshylar úshin sýdyń baǵasy QQS-syz 14,75 teńge/m3 quraıdy.
«Kommýnaldyq qyzmetter bizden sýdy alyp, arnaıy qondyrǵylarda tazartady, sodan keıin qala turǵyndaryna ákeledi», - dep túsindirdi Qosylbaev.
