Qaladaǧy №1 auruhana bazasynda därıgerler insult alǧan 69 jastaǧy nauqastyŋ mi qan tamyryn mihrohirrugiialyq ädıspen tıgıp berdı. Şymkentte alǧaş ret jasalǧan otany elımızdıŋ üzdık neirohirurgı Erkın Medetov jasady.
Nauqas atalǧan aruruhanaǧa jedel järdem qyzmetımen jetkızılgen. İnsult alǧan nauqasty därıgerler angiografiialyq ädıspen tekserıp, qan tamyryndaǧy aqaudy anyqtaǧan. Pasienttıŋ ömırın aman alyp qalu üşın därıgerler şūǧyl türde ony ota zalyna kırgızıp, mi qantamyrana hirurgiialyq em jasady.
–Tekseru kezınde nauqastyŋ şat tamyry arqyly enıp, mi qan tamyrlaryn tekserdık. Tekserudıŋ nätijesınde mi qan tamyrynyŋ bıtelgenın anyqtadyq. Midyŋ sol aimaǧyna qannyŋ jetıspeuşılıgıne bailanysty jaŋadan tamyr tıgu qajet boldy. Sondyqtan osy operasiiany jasadyq. Būl otanyŋ maqsaty midyŋ qan jetpei tūrǧan aimaǧyna ainalma jol arqyly qan jetkızu,-deidı neirohirurg Erkın Jūmaǧaliūly.Nauqas qazır özınıŋ jaǧdaiy jaqsy ekenın, därıgerlerge, osyndai ülken mümkındık bergen memlekettık qoldauǧa alǧysyn aityp otyr. «Äkem üşın qatty uaiymdadyq. Mūndai operasiia qalamyzda jasalatynyn bılmedık. Äkemnıŋ jaǧdaiy qazır jaqsy. Därıgerlerge taǧy da raqmet» deidı nauqastyŋ ūly Qairat Äkenov. Aita ketu kerek, mūndai operasiia 10 myŋ dollarǧa baǧalanady. Alaida mındettı äleumettık medisinalyq saqtandyru kezınde qalanyŋ medisinalyq mekemelerınde hirurgiialyq emdeu tegın körsetıledı. Memleket basşysynyŋ tapsyrmasy aiasynda joǧary bılıktı medisinalyq kömektı damytuǧa erekşe köŋıl bölınedı. Densaulyq saqtau salasyndaǧy memlekettık saiasatty jüzege asyruda biyl ekı insult ortalyǧy aşyldy. Būdan basqa, qalalyq biudjetten medisinalyq mekemelerdıŋ materialdyq-tehnikalyq bazasyn jaraqtandyruǧa 6,5 mlrd.teŋge bölındı. Şymkenttegı insultpen auyratyn nauqastardy emdeuge jatqyzudy taldau kezınde pasientterdıŋ tek 7% ǧana özın-özı emdeu arqyly stasionarǧa tüsetını jäne jedel medisinalyq kömek jelısı boiynşa 87% , pasientterdıŋ 5% emhanalar jelısı boiynşa tüsetını jäne qalǧan 1% basqalai jolmen stasionarǧa tüsetını anyqtaldy. Sondyqtan därıgerler aurudy örşıtıp almau üşın emhanalarǧa uaqytynda baryp, em qabyldau kerek ekenın eskertedı.
«Adyrna» ūlttyq portaly
