«Aǵaıyndy tórteý» uıymdasqan qylmystyq tobynyń lıderi Erkin Izbasar densaýlyǵyna baılanysty jazasyn óteýden bosatyldy. Bul týraly tilshige IIM Qylmystyq-atqarý júıesi komıteti málimdedi, — dep habarlaıdy “Adyrna” ulttyq portaly Tengrinews.kz saıtyna silteme jasap.
Baspasóz qyzmetiniń habarlaýynsha, birinshi toptaǵy múgedek Izbasardyń densaýlyǵy qamaýda jatýǵa jaramaıdy.
«Tekserý nátıjesi men Erkin Izbasardan anyqtalǵan aýrýlar boıynsha medıınalyq komıssııanyń otyrysy ótti. Komıssııa ishki ister mınıstriniń 2014 jylǵy 19 tamyzdaǵy № 530 buıryǵyna sáıkes sottalýshynyń jazany óteýden bosatýǵa negiz bolatyn aýrýlarynyń bar-joǵyn anyqtady», — dep habarlady IIM QAJK.
Keıin kolonııa qyzmetkerleri bul qorytyndy materıaldarmen birge is júrgizý sheshimin qabyldaý úshin sotqa jiberilgenin túsindirdi.
2021 jylǵy 21 qazanda Óskemen qalasynyń № 2 soty Izbasar jazasynyń ótelmegen bóligin saýyqqanǵa deıin 11 jyl merzimge bas bostandyǵyn shekteýge aýystyrý týraly sheshim qabyldady.
Eske salaıyq, UQT lıderi Erkin Izbasar 12 jylǵa bas bostandyǵynan aıyrý jazasyna kesilgen ári jazasyn qaýipsizdigi barynsha joǵary kolonııada ótegen. Izbasarǵa on bap boıynsha, onyń ishinde qylmystyq top uıymdastyrǵany jáne 39 mıllıon teńge somasynda munaı urlaǵany úshin aıyp taǵyldy.
Onymen birge sottalýshylar oryndyǵynda 26 adam boldy, onyń ishinde Aqtóbe polıııa departamenti bastyǵynyń eks-orynbasary Rahat Ahanov ta boldy. Olardyń 24-i bas bostandyǵynan shekteý túrindegi jaza aldy.
“Adyrna” ulttyq portaly
