El Täuelsızdıgınıŋ 30 jyldyǧy aiasynda şymkenttık jastar arasynda türlı salada jetıstıkke jetken talantty azamattarmen kezdesu ūiymdastyryluda. Bügın qala jastary Belgradta ötken Älem Chempionatynyŋ kümıs jüldegerı Mahmūd Sabyrhanmen jüzdestı.
Būǧan deiın Qazaqstannyŋ bes dürkın, sondai-aq, Aziianyŋ chempiony atanǧan Mahmūd sportta jeŋıstıŋ oŋailyqpen kelmeitının, tyŋǧylyqty eŋbektenu kerektıgın aitty. Kezdesu erkın sūhbat alaŋynda öttı. Sondyqtan jinalǧandar özderın qyzyqtyrǧan sūraqtaryna jauap aldy.
– Sportqa äkemnıŋ jeteleuımen keldım. 7-synyp oqyp jürgenımde auylymyzda sport üiırmesı aşyldy. Äkem – sportşy. Ony estıp, maǧan küreske baruǧa keŋes berdı. Äkem ekeuımız küreske jazylamyz dep baryp, bokstan bır-aq şyqtyq. Aqyldasa kele bokspen şūǧyldanatyn bolyp kelıstık. Auyl, audan kölemınde jarystarda jeŋıske jetıp, közge tüstım. Sodan 2015 jyly jasöspırımder arasynda el chempiony atandym. Al eresekter arasyndaǧy alǧaşqy ülken jarysym älem chempiony boldy, - dedı jüldeger.Bairaqty bäsekede kümıs jüldege ie bolǧan 20 jastaǧy jerlesımız aldaǧy josparlary turaly da aityp öttı.
–Kezınde 2000 jyly Sidneide Bekzat Sattarhanov aǧamyz 20 jasynda Olimpiada şyŋyn baǧyndyrdy. Sol sekıldı 2013 jyly Jänıbek Älımhanūly 20 jasynda Almatyda älem chempiony boldy. Men de sol aǧalarymnyŋ jolyn qusam deimın. Kelesı jyly Aziia oiyndary bar. Odan keiın 2023 jyly Özbekstan astanasy Taşkent qalasynda älem chempionaty ötedı. Sol jarystardan tek altyn äkeluge tyrysamyz. Ketken esenı qaitaramyz. Barlyq sportşynyŋ armany olimpiada şyŋyn baǧyndyru ǧoi. Būiyrsa, aldaǧy jarystarda sol armanyma taǧy jaqyndai tüsemın. Olimpiada lisenziiasyn alyp, elımızdıŋ namysyn qorǧap, kök tuymyzdy jelbıretıp, än ūranymyzdy şyrqatuǧa bar küş-jıgerımdı salamyn. Älı uaqyt bar, köp eŋbektenıp, jattyǧulardy üzbei jasau kerek, - dedı Mahmūd.Jastarmen ötken kezdesuınde Mahmūd Sabyrhan jetken jetıstıkterın baiandap, zamandastaryn salauatty ömır saltyn ūstanuǧa şaqyrdy. Al ūiymdastyruşylar osyndai kezdesuler jastardyŋ patriottyq sezımın oiatyp, ūlttyq qūndylyqtarynyŋ qalyptasuyna septıgın tigızedı dep senedı.
