Täuelsızdıgımızdıŋ 30 jyldyǧy qarsaŋynda, Qazaqstan Respublikasynyŋ Sybailas jemqorlyqqa qarsy ıs-qimyl Agenttıgınıŋ Şymkent qalasy boiynşa departamentı Saz kolledjımen bırlese «Adal – jas ūrpaq» atty qalalyq patriottyq änder, esse, äŋgıme jäne mänerlep oqu baiqauyn ūiymdastyrdy.
Basty maqsat - jastar arasynda sybailas jemqorlyqqa qarsy mädeniettı ılgerıletu, ädebiet pen şyǧarmaşylyq arqyly parasattylyq ideologiiasyn därıpteu bolyp tabylady.
Baiqauǧa joǧary jäne orta arnauly oqu oryndary men mektepterden 70-ke juyq studentter men oquşylar qatysty.
Qazylar alqasy retınde Departament ökılderı men mädeniet salasynyŋ üzdıkterı, filolog mamandar tartyldy.
Ūiymdastyruşylardyŋ aituynşa osyndai ıs-şaralar jastarda sybailas jemqorlyqqa qarsy mınez-qūlyq daǧdylaryn qalyptastyrady.
Şara barysynda qatysuşylar önerın ortaǧa salyp,äserlı äŋgıme, qara söz oqyp, otandy süiuge, elımızdıŋ patrioty boluǧa zamandastaryn ündedı.
Oiynyŋ ūşqyrylyǧy jäne jūmysynyŋ mazmūndylyǧymen «Sybailas jemqorlyqqa qarsy taqyryptaǧy üzdık esse, äŋgıme» nominasiiasy boiynşa III-oryndy M.Äuezov atyndaǧy OQU studentı A.Samidin, II-oryndy industrialdy-tehnikalyq kolledjınen D.Ahatbek, I-oryndy qalalyq «Adal ūrpaq» assosiasiiasynan A.Juasbek ielendı.
«Mänerlep oqu» nominasiiasy boiynşa III-oryndy Miras universitetınıŋ studentı R.Mamyr, II-oryndy industrialdy-tehnikalyq kolledjınen A.Rahmatulla, I-oryndy jol-kölık kolledjınen S.Mahambet-Pahir jeŋıp aldy.
«Patriottyq änder» nominasiiasy boiynşa III-oryndy Tamaqtandyru industriiasy jäne servis kolledjınıŋ studentı M.Keldıbai, II-oryndy M. Äuezov atyndaǧy OQU studentı S.Jaqyp, I-oryndy Şymkent saz kolledjınıŋ studentı P.Kim ielendı.
«Jeŋıske jetkenıme öte quanyştymyn. Ūiymdastyruşylar men ūstazdaryma, qoldap kelgen dostaryma alǧysymdy bıldıremın» - deidı Pavel Kim. Şymkent saz kolledjınıŋ studentı baiqaudyŋ barlyq qatysuşylary talantty, öz elınıŋ naǧyz patriot jastary ekendıgın jasyrmady. Sondai-aq, ol parasyz, parasatty, sanaly qoǧamda ömır sürudı qalaityndyǧyn jäne özı de būl baǧytta belsendılık tanytatyndyǧyn jetkızdı. Jol-kölık kolledjınıŋ studentı Säken Mahambet-Pahir atalǧan baiqaudan ülken täjırbie alǧandyǧyn aitady. «Baiqau talaptary boiynşa köptegen aqparatpen tanystym, jalpy qoǧamdaǧy adaldyq prinsipterı, jemqorlyqqa tözbeuşılık, adami qasietterdı joǧaltpau üşın jastarǧa ülken jauapkerşılıktıŋ tüskenın ūǧyndym» - dedı ol.Barlyq jeŋımpazdar arnaiy alǧys hattarmen jäne syilyqtarmen marapattaldy.
