«Aq jol» frakııasynyń dızel, gaz jáne kómir baǵalardy retteý kerektigin týraly depýtattyq saýalyn Májilis depýtaty Serik Erýbaev QR Premer Mınıstriniń orynbasary R.Sklıarǵa joldady.
Partııamyzǵa elimizdiń túkpir túkpirinen kelip túsken avtogaz otynyń tapshylyǵy jáne onyń baǵasynyń kúrt ósýi jónindegi shaǵymdary osy depýtattyq saýalǵa negiz boldy. Buǵan deıin 50-60 teńge turatyn gaz, sońǵy kezde 120-150 teńgege deıin ulǵaıdy.
Tipti, qoınaýy munaı men gazǵa toly Atyraýdyń ózinde, gazdyń baǵasy bir túnde 95 teńgeden 110 teńgege deıin ósti. Bunyń bári gaz qojaıyndarynyń qoldan istep otyrǵan isi degen sóz el aýzynda júr.
Bıylǵy jyldyń qazan aıynda dızel otynyń tapshylyǵyna jáne baǵasynyń ósýine kýá boldyq. Osy jaǵdaıǵa baılanysty, júrgizýshiler óńirlerde ereýilge de shyǵyp jatty.
Bul másele boıynsha 6 qazanda, «Aq jol» frakııasy Energetıka mınıstriniń atyna benzın jáne dızel tapshylyǵy problemasyn sheshý joldarynyń biri retinde shaǵyn munaı óńdeý kásiporyndaryna jan-jaqty qoldaý kórsetýdi jáne sybaılastyqtyń bar-joǵyna tekserý júrgizýdi usynyp, depýtattyq saýal joldaǵan bolatynbyz. Bir aıdan asa ýaqyt ótse de, bul saýalǵa áli kúnge deıin jaýap alǵan joqpyz.
Sol kezde, mınıstrlikte dızel otynynyń baǵasy naryq zańymen retteledi jáne jýyrda tómendeıdi delingen bolatyn. Alaıda, jaǵdaıdyń jaqsaratyn túri joq. El ekonomıkasyna jáne tutyný baǵalaryna tikeleı áser etetin dızel otynyń qunyn baqylaýdan shyǵaryp alý, jaýapsyzdyq jáne memlekettik emes kózqaras dep sanaımyz.
Qazan aıynyń sońynda avıakerosın tapshylyǵyna da tap boldyq. Kórshiles eldiń energetıka mınıstrliginiń kómegimen dızel otyny men kerosınniń máselesi ýaqytsha sheshilgen. Biraq, dál osy jerde «ýaqytsha» degen sózdi esten shyǵarmaýymyz kerek!
Jýyrda, Memleket basshysy Qasym-Jomart Toqaev munaı ónimderimen qamtamasyz etý máselesi boıynsha Úkimettiń jumysyn qatań synǵa alyp, dızel otynynyń tapshylyǵy jasandy ekendigin basa aıtty.
2017 jyly Elbasy qoldanystaǵy úsh munaı óńdeý zaýytyn jańǵyrtýmen qatar, tórtinshi zaýyt salý qajettigin atap ótken bolatyn. Alaıda, bul bastamaǵa mınıstrlik tarapynan jańa zaýyt qajet emes degen tujyrym, búgingi jaǵdaıda el ekonomıkasyna tıimdiligi kúmándi bolyp otyr. Elimizdegi Atyraý, Pavlodar, Shymkent munaı óńdeý zaýyttaryn jańǵyrtýǵa eki trıllıon teńge jumsaldy. Endeshe, atalǵan zaýyttardyń jyl saıyn jóndeýge toqtatylýyn nemen túsindiredi.
Biraq, Mınıstrliktiń jaýaby árqashan daıyn, eger, dızel otyny tapshy bolsa oǵan kórshiles elderdiń aýyr júk kólikteri kináli, al avtogaz jetpese oǵan gazben júretin kólikter sanynyń kóbeıýi týraly syltaý aıtylady.
Jerasty baılyǵymyzdyń taǵy bir negizgi túri – kómirdiń de tapshylyǵy oryn alýda. Onyń ústine, baǵasy da tym qymbat.
Bunda da uıatsyz spekýlıaııa sıpaty baıqalady!
Mysaly, «Shubarkól» kenindegi kómirdiń tonnasy 5800 teńge bolsa, karerden, satyp alýshyǵa barar jolda kómirdiń baǵasy, 16 myńǵa deıin jetedi.
Bundaı jaǵdaıda tapshylyq qoldan jasalyp, baǵalyq sóz baılasý faktileri rastalsa, quqyq qorǵaý organdary da syrtta qalmaýy kerek.
Memleket basshysy aıtqandaı, janar jaǵarmaıdyń qymbattaýy transporttyq kompanııalarmen qatar, kúndelikti taýarlardyń da baǵasynyń ósýine ákelip soqtyrady.
Memleket óz tarapynan daǵdarys kezinde adal kásipkerlerden baǵany kótermeýdi árdaıym talap etýdi erejege aınaldyryp alǵandaı. Qalyptasyp otyrǵan jaǵdaıda, kásipkerlerdiń de memleketten munaı ónimderi men kómirdiń baǵasyn retteýdi talap etý oryny bar dep esepteımiz.
Joǵaryda aıtylǵandy qoryta kele, «Aq jol» frakııasynyń usynystaryn júzege asyrý múmkindigin qaraýyńyzdy suraımyz.
Elimizdiń jerasty baılyqtary shekteýli adamdardyń múddelerine ǵana emes, birinshi kezekte ishki ekonomıkaǵa jetkilikti kólemde, bıznes ókilderine jáne halyqqa qol jetimdi túrde qyzmet etýi qajet dep sanaımyz.
"Adyrna" ulttyq portaly
