Asqar Mamin Ükımettıŋ Sifrlyq keŋsesınde ortalyq memlekettık organdar basşylarynyŋ jäne öŋırler äkımderınıŋ qatysuymen äleumettık maŋyzy bar azyq-tülık tauarlarynyŋ (ÄMAT) baǧalaryn retteu mäselelerı boiynşa keŋes ötkızdı, dep habarlaidy "Adyrna" ūlttyq portaly.
-Ötken aptada Qazaqstanda äleumettık maŋyzy bar azyq-tülık tauarlary baǧasynyŋ jalpy ösu indeksı 0,0% qūrady", -dep habarlady Premer-ministrdıŋ baspasöz qyzmetı.
Qabyldanǧan şaralar esebınen ekınşı apta qatarynan kartop (-0,4%), piiaz (-1,3%) jäne säbız (-2%) baǧasynyŋ tömendeuı baiqalady. Bır apta ışınde qyryqqabat baǧasynyŋ ösu qarqyny 0,1%-ǧa deiın tömendedı.Ötken aptada Bäsekelestıktı qorǧau jäne damytu agenttıgı baǧa belgıleu boiynşa bäsekelestıkke qarsy söz bailasqan ıs-äreketter belgılerı boiynşa Aqmola, Pavlodar, Soltüstık Qazaqstan jäne Qaraǧandy oblystarynda tauyq jūmyrtqasyn ötkızudı jüzege asyratyn 7 qūs fabrikasyna qatysty tergeudı bastady.
Tauyq jūmyrtqasy, qūs etı jäne qant naryǧy subektılerıne baǧalyq söz bailasu belgılerınıŋ boluyna jäne türlı baǧalardy qoldanuyna qatysty 12 habarlama jıberıldı.Premer-ministr ortalyq memlekettık jäne jergılıktı atqaruşy organdarǧa äleumettık maŋyzy bar azyq-tülık önımderınıŋ baǧasyn tūraqtandyru jäne tömendetu, sondai-aq infliasiianyŋ jalpy deŋgeiın 8,5% şegınde ūstap tūru boiynşa jūmysty jalǧastyrudy tapsyrdy.
"Adyrna" ūlttyq portaly.
