Strasburgtegı Europanyŋ Adam qūqyqtary jönındegı soty Mäskeude qūldyqta bolǧan Qazaqstan jäne Özbekstan azamattarynyŋ şaǧymdaryn qaraidy. Būl jönınde sottyŋ resmi saity habarlady, dep mälımdeidı "Adyrna" ūlttyq portaly.
Sot bes jäbırlenuşınıŋ ekı şaǧymyn bırıktırgen. Bırınşı şaǧym Qazaqstan azamattary Fatima jäne Äliia Mūsabaeva men Özbekstan azamattary Güljanar Nazanova jäne Bakiia Qasymovadan 2016 jyly tüsken. Ekınşı şaǧym 2018 jyly Qazaqstan azamaty Nesıbelı İbragimovadan joldanǧan.
Äielderdıŋ sotta qūqyǧyn "Memorial" qūqyq qorǧau ortalyǧynyŋ zaŋgerlerı qorǧaidy. Olar "Grajdanskoe sodeistvie" komitetımen bailanysta otyr. Sot Reseige ıs boiynşa sūraqtar jıberedı dedı komitet ökılderı.
- Europanyŋ Adam qūqyǧy jönındegı soty jauapker Reseige Adam qūqyqtary jönındegı Europa konvensiiasynyŋ būzyluyna bailanysty sūraqtar joldaidy. Jauapkerdıŋ şaǧym beruşı tarappen beibıt kelısım jasauǧa qūqyǧy bar. Äitpese ıs qarala bastaidy, - dedı zaŋger İvan Novikov.Migranttardy qūldyqta ūstaǧan azyq-tülık dükender jelısı Mäskeudıŋ Golianovo audanyndaǧy Uralskaia, Parkovaia jäne Novosibirskaia köşelerınde ornalasqan. Dükenderge erlı-zaiyptylar men olardyŋ tuystary ielık etedı. "Grajdanskoe sodeistvie" qorynyŋ aqparatyna qaraǧanda, käsıpkerler äielderdıŋ qūjattaryn tartyp alyp, olardy eŋbek migranty retınde tırkeuden bas tartqan. Eŋbekaqysyn bermei, düken aumaǧynan attap qadam basuǧa tyiym salǧan. Migranttar jertölelerde ūiyqtaǧan.
- Düken ielerı men qyzmetkerlerı Qazaqstan jäne Özbekstan azamattaryn jyldar boiy aqysyz eŋbekke jegıp, zorlaǧan, ūryp-soqqan. Qūqyq qorǧau organdarymen qudalaimyz dep qoqan-loqy körsetken, - dep jazdy komitet ökılderı.Komitettıŋ aituynşa, poliseiler men tergeuşıler jäbırlenuşılerdıŋ şaǧymyna bailanysty ıs qozǧaudan bas tartqan.
"Adyrna" ūlttyq portaly
