Qazaqstannyŋ Jambyl oblysy Qordai audanynyŋ Gvardeiskii kentınde biologiialyq qauıpsızdıktıŋ joǧary deŋgeilı ǧylymi zerthanasy jäne virustardyŋ qauıptı jäne asa qauıptı ştammdaryna arnalǧan jerasty qoimalary salynuda. Būl turaly aqparat 5 qaraşada Qazaqstan ükımetınıŋ resmi saitynda paida boldy, dep habarlaidy "Adyrna" ūlttyq portaly.
Zerthanaǧa erekşe retteudı jäne qala qūrylysyn reglamentteudı talap etetın obekt märtebesı berıldı. Qūrylystyŋ aiaqtalu merzımı-2025 jyldyŋ IV toqsany. BSL-4 kody (Biosafety level 4) biologiialyq qauıpsızdıktıŋ törtınşı deŋgeiın bıldıredı.
Bügıngı künı Almatyda M.Aiqymbaev atyndaǧy Asa qauıptı infeksiialar ūlttyq ǧylymi ortalyǧy janynda Ortalyq referenttık zerthana jäne Pentagon aqşasyna salynǧan asa qauıptı infeksiialyq patogenderdıŋ qoimasy jūmys ısteidı. Qazaqstandyq qoǧamda biologiialyq qarudy äzırleu boiynşa jūmystar jürgızılıp jatyr degen boljamdar bar. Būl turaly Qazaqstan Qorǧanys ministrınıŋ būrynǧy orynbasary Ämırbek Toǧysov aitty.
Al zerthana qūrylysyn amerikandyq äskeri vedomstvo qarjylandyrǧanyn AQİŪǦO direktory Baqyt Atşabar atap öttı. Alaida ol biozerthana biologiialyq qaru jasaidy degen aqparatty joqqa şyǧardy.
Aita ketu kerek, Almaty zerthanasy biologiialyq qauıptılıktıŋ 3-şı deŋgeiıne ie. Al Jambyl oblysynda salynyp jatqan zerthana Almatyda jūmys ısteitınderge qaraǧanda qauıptı ştammdarmen jūmys ısteuge mümkındık beretın joǧary, 4-şı deŋgeige ie bolady.
"Adyrna" ūlttyq portaly
