Stepnogordegı Bögenbai batyr atyndaǧy daryndy balalarǧa arnalǧan mektep-internatta 8-synyp oquşylary özderınen bır synyp tömen oqityndardy soqqyǧa jyqqany turaly video taraǧan bolatyn. Bolǧan janjaldan keiın osy mekemenıŋ basşysy qyzmetınen kettı, dep habarlaidy "Adyrna" ūlttyq portaly.
Oqiǧanyŋ videosy taralǧannan keiın Aqmola oblysy äkımı Ermek Marjyqpaev Stepnogor qalasyna baryp, şūǧyl keŋes ötkızdı. Keŋestıŋ şeşımımen Bögenbai batyr atyndaǧy daryndy balalarǧa arnalǧan sport mektep-internatynyŋ direktory Tūrsynbai Toqqojinovty jūmystan bosatyldy.
Al oblystyq deneşynyqtyru jäne sport basqarmasynyŋ jetekşısı Äset Bükıbaevqa qataŋ sögıs jariialandy.
Būdan bölek, Stepnogor qalasy äkımıne onyŋ orynbasary Gülnäz Äbılovany tärtıptık jazaǧa tartu ūsynysy engızıldı. Ol osy salaǧa jauap beredı. Sondai-aq kämelet jasqa tolmaǧandardyŋ qūqyqtaryn qorǧau jönındegı komissiiany basqarady.
Şūǧyl jiyn kezınde mektep-internatynda bolǧan oqiǧanyŋ män-jaiy da jariialandy.
Eske sala keteiık, 21 qazanda 8-synyp oquşylary jataqhanada özderın bır klass tömen oqyp jürgen balalardy soqqyǧa jyqqan. Bıreuı bärın videoǧa tüsırgen.
Sol künı psiholog jataqhanany aralaǧanda videony körıp qalady. Sosyn bırden internat basşylyǧyna habar berdı. 29 qazanda direktordyŋ şeşımımen būzaqylyq jasap, oquşylardy soqqyǧa jyqqandar oqudan şyǧaryldy.
Alaida bılım beru mekemesınıŋ basşylyǧy qūqyq qorǧau organdary men kämelettık jasqa tolmaǧandardyŋ ısterı jönındegı komissiiaǧa esep bermegen. Osylaişa, tiıstı organdarǧa habar beru tärtıbı būzyldy.
Artynan video ata-analar chatynda tarady. Söitıp, 12 qaraşada jergılıktı pablikte jariialandy. Kelesı künı kämelettık jasqa tolmaǧandardyŋ ısterı jönındegı komissiianyŋ şūǧyl otyrysy öttı.
Al Aqmola oblystyq polisiia departamentı Qylmystyq kodekstıŋ 141-baby (Balalardyŋ ömiri men densaulyǧynyŋ qauipsizdigin qamtamasyz etu jönindegi mindetterdi tiısınşe oryndamau) jäne 194-baby, 2-tarmaǧy (Qorqytyp alu, adamdar tobynyŋ aldyn ala söz bailasuymen) boiynşa sotqa deiıngı tergeudı bastady.
"Adyrna" ūlttyq portaly
