Äleumettık-käsıpkerlık korporasiiasy Şymkentke tartylǧan investisiialar boiynşa rekord ornatty. Būl turaly basqarma töraǧasy Bauyrjan Kankin aitty. Jurnalistermen kezdesude ol tartylǧan investisiia somasy 400 mln teŋgeden asqanyn tüsındırdı. Sonymen qatar ol 25 mlrd teŋgege 13 investisiialyq joba mektep qūrylysyna tartylǧanyn atap öttı.
Äleumettık-käsıpkerlık korporasiia qyzmetıne memleket subsidiia bermeidı. Basqarma töraǧasy Bauyrjan Kankin mälımdeme jasap, atqarǧan jūmysy turaly esep berdı. Sondai-aq, ol kompaniia investisiialyq jobalardyŋ sany boiynşa köş bastap tūrǧanyn alǧa tartty.
Bauyrjan Kankin , «Shymkent» ÄKK» AQ Basqarma töraǧasy: «Ärbır ÄÄK özındık bır öŋırlık institutqa ainaluy tiıs. Onyŋ elımızdegı tiıstı öŋırlerdegı memlekettık aktivterdı basqaratyn holding kompaniiasy retınde jūmys ısteuı mümkın. Sodan keiıngı kezeŋde basqaru täjıribesın jinaqtauy ÄÄK-nyŋ kapitaldanu deŋgeiınıŋ artuyna qarai, olardyŋ öŋırlık jäne halyqaralyq rynokka şyǧuymen qosa jauapkerşılık aiasyn keŋeitu artyndaǧy äŋgımenı qozǧauǧa bolady».
Kankin, bizneske qajettı jerdı ūzaq merzımde jalǧa alu üşın investorlardan alatyn keremet tabystary turaly sūraqqa «äleumettık-käsıpkerlık korporasiia zaŋ aiasynda jūmys jasaidy» – dep jauap berdı. Būl arzan emes, qymbat satuǧa degen ūmtylys ta emes, naryqtyq baǧalar! Kadastrlyq qūny boiynşa jer tek öndırıstık aimaqtarǧa berıledı.
Bauyrjan Kankin, Shymkent» ÄKK» AQ Basqarma töraǧasy: «Qazaqstanda jer uchaskesı jer kodeksınıŋ 48 babyna säikes Jer uchaskesın beru memlekettık jeke menşık ärıptestık arqyly zattai sanynda, invest kelısımşart, auksion, SES, jekemenşık jäne SPK arqyly jürgızıledı. SPK tetıkterdıŋ bırı bolyp tabylady jäne monopolizm bolyp tabylmaidy».
Tapqan aqşany qandai jobalarǧa jūmsaudy korporasiia özderı şeşedı. Degenmen olar kelısımdı äleumettık jobalardy damytudy baǧyttauǧa uäde beredı
Erlan Qattabekov,» Shymkent» ÄKK» AQ Basqarma töraǧasynyŋ orynbasary: «Būl tek qana bastamasy. Kelesı jyly investisiia kölemı odan da köp artatyn bolady. Qazırgı taŋda qūrylysty aitatyn bolsaq 495 mlrd jalpy sommasy, jalpy quaty 1 mln 793 myŋ şarşy metr qūrylys engızıleiın dep jatyr. Ol 25 joba jalpy aitqanda».
Köpqabatty üiler salu mäselesı de nazardan tys qalmady. Bır jyl ışınde, korporasiia basşysynyŋ aituynşa, 35 myŋ otbasy jaŋa qonys ielerı atanady. Jaŋa baspanalar şymkenttıkterdı şyn mänınde quantady jäne olar kemşılıkter üşın jauaptylardy ızdeuge mäjbür bolmaidy dep ümıttenemız.
Älihan Faizhanov
