Şymkent qalasy jūmyspen qamtu jäne äleumettık qorǧau basqarmasyna qarasty «Ömırlık qiyn jaǧdaiǧa tüsken adamdardy äleumettık beiımdeu ortalyǧy» ışınen aşylǧan «Ūtqyr» äleumettık patrulı qalada reidtık tekseru jūmystaryn jürgızude.
Patrul qyzmetkerlerı ıs-şara barysynda Töle bi köşesınıŋ boiynda ornalasqan Qyrǧy bazar maŋynda, Qūrmanbekov köşesınıŋ boiynda ornalasqan №1 qalalyq auruhana aldynda jäne Respublika daŋǧylynyŋ boiyndaǧy Kömeş-Būlaq bazarynyŋ aumaǧynda üi-küisız (qaŋǧybastyqqa) salynyp jürgen azamattardy ortalyqqa jetkızdı.
«Ortalyqqa jetkızılgen azamattarǧa alǧaşqy medisinalyq kömek türlerı körsetıldı. Jeke gigienalyq jūmystar jürgızılıp, tösek-orynmen qamtamasyz etıldı. Aldaǧy uaqytta äleumettık kömek türlerın aiqyndaityn bolamyz», – deidı mekeme basşysy Mūhit Nyşambaev.Mekeme kämelet jasqa tolǧan belgılı tūrǧylyqty jerı joq, jeke basyn kuäländyratyn qūjattary joq jäne bas bostandyǧynan aiyru oryndarynan bosatylǧan nemese şartty türde sottalǧan azamattarǧa qyzmet körsetedı. Ortalyqta qazır 140–tan astam azamat qyzmet aluda. Ortalyq qyzmet aluşylarǧa qūjattaryn räsımdeu, medisinalyq tekseruden ötkızıp, qajet bolǧan jaǧdaida medisinalyq ūiymdarǧa ornalastyru, jūmyspen qamtu, tūrǧyn üi kezegıne tūrǧyzu sekıldı äleumettık kömekter körsetedı. Sonymen qatar, ortalyqta qyzmet aluşylardyŋ eŋbek daǧdylaryn arttyru, psihikalyq küizelısten şyǧaryp, köŋıl-küilerın köteru jäne densaulyqtaryn nyǧaitu maqsatynda kündelıktı taŋerteŋgılık seruender ūiymdastyrylady. «Haiuanattar baǧy» būryşyn tamaşalaityndar da bar. Olar saiabaqta seruendep, ǧajaiyp qūs sanalatyn tauystardy, kepter men köjek, qoiandardy tamaşalai alady. Januarlardy kütıp-baptauǧa qyzmetker men veterinar-därıger jūmyldyrylǧan.
"Adyrna" ūlttyq portaly
