Türkıstan oblysy Jetısai audanynda «JETISAI PLAZA» köp funksionaldy oiyn-sauyq keşenı salynady. Asa auqymdy jobany jüzege asyru turaly şeşım audan äkımı Mūrat Qadyrbektıŋ «CITY DEVELOPMENT» JŞS-nıŋ basşysy Erlan Nūrmaǧambetovpen ötken kezdesuınde jan-jaqty talqylanyp qabyldandy.
Kezdesu barysynda audan basşysy investorlardyŋ ūsynysyna qoldau bıldırıp, jobany josparǧa sai jüzege asyruǧa yqpal etu üşın jergılıktı äkımdık tarapynan tiıstı kömekter körsetıletının jetkızdı.
«Būl jobany ıske asyru bızdıŋ audanymyz üşın öte tiımdı bolmaq. Bırınşıden, 1300-ge juyq jergılıktı azamat tūraqty jūmysqa ornalasady. Ekınşıden, käsıpkerlerımızdıŋ arasynda bäsekege qabılettı orta qalyptasady. Üşınşıden, jergılıktı biudjetke qomaqty salyq tüsedı. Būdan bölek, tūrǧyndardyŋ bos uaqyttaryn köŋıldı ötkızulerıne jaqsy jaǧdai jasalady. Bır sözben aitqanda audannyŋ jan-jaqty äsırese ekonomikalyq tūrǧydan damuyna serpın beredı», – dedı audan basşysy M.Bolatūly.Jobanyŋ jalpy qūny 8,5 mlrd. teŋge. Fransuz arhitektory Mario Bartillanyŋ 2 qabattan tūratyn säulettı jobasynyŋ aumaǧy 25 200 şarşy metr bolmaq. Onda 1000 kölıkke arnalǧan avtotūraq, zamanaui akvapark, balalarǧa arnalǧan oiyn-sauyq ortalyqtary men sport alaŋşalary qarastyrylǧan. Sondai-aq, ǧimaratta kinoteatr, ashanalar men meiramhanalar, otandyq jäne şeteldık brend tauar öndıruşılerı ūsynǧan önımderge arnalǧan sauda nüktelerı, tūrmystyq tehnikalar satatyn dükendermen qamtylmaq. Odan bölek, ortalyqtyŋ janynan 14 köpqabatty tūrǧyn üi boi köteretın bolady. «JETISAI PLAZA» köp funksionaldy sauda-oiyn-sauyq keşenınıŋ qūrylys jūmystary 2022 jyldyŋ mamyr aiynda bastalyp, 2023 jyly aiaqtalady dep josparlanuda. Aita keteiık, būl elımızdegı audan ortalyǧynda salynǧaly tūrǧan eŋ alǧaşqy keşen.
"Adyrna" ūlttyq portaly
