Memleket basşysy keşegı Joldauynda öŋırlerdı damytudyŋ ūlttyq jobasy aiasynda bes jyl ışınde halyqty 100 paiyz taza auyzsumen qamtamasyz etudı tapsyrdy. Şymkent qalasynda osy baǧytta auqymdy jūmystar atqaryluda.
Mäselen, qaladaǧy eldı mekenderdı auyz sumen qamtamasyz etu maqsatynda biyl 14 nysannyŋ qūrylys jūmystary jürgızılude. Sapaly auyz sumen qamtu boiynşa qūrylys jūmystarynyŋ bırı «Tūran» şaǧyn audanynda.
Būl şaǧyn audanda auyz su jüiesın tartu jūmystary 2018 jyly merdıger mekeme «Üşsai» JŞS-gımen bastalǧan bolatyn. Jalpy ūzyndyǧy 59,8 şaqyrymdy qūraidy. Bügınde auyz su qūbyrynyŋ qūrylysy 100 paiyz aiaqtalyp, qūbyrlardy juyp-şaiu jūmystary jürgızılude. Qyrküiek aiynyŋ soŋynda «Tūran» şaǧyn audanyndaǧy 12 600 adam sapaly auyz sumen qamtylady. Jalpy atalǧan şaǧyn audanda 1745 jeke tūrǧyn üi men 59 köpqabatty üi bar.
Eske salsaq, 2015 jyly bekıtılgen şahardyŋ bas josparyna sai Tūran şaǧyn audany qalanyŋ soltüstık bölıgınde ornalasqan. Jalpy alaŋy 1190 gaktardy qūraidy. Şaǧynaudan batysynda Bäidıbek bi daŋǧylymen şektesedı, soltüstıgınde A-2 «Almaty-Termez» avtokölık dälızı jatyr.
Aita keteiık, osy jyly megapoliste 3 magistraldy suaqqy, tasymaldy 7 eldı meken jäne ayzsudy kestemen paidalanyp keletın ekı eldı mekennıŋ qūrylysy aiaqtalyp, 25,6 myŋ adam auyz sumen qamtylady. Nätijesınde, qamtylu körsetkışı 95,6%-dan 98 paiyzǧa öspek.
"Adyrna" ūlttyq portaly
