Şymkentte oq jäne stend atudan halyqaralyq turnir bastaldy

Täuelsızdıktıŋ 30 jyldyǧy qarsaŋynda Şymkentte Gran-pri KSRO sport şeberı Vladimir Pochivalovty eske aluǧa arnalǧan oq jäne stend atudan XXX Halyqaralyq turnir bastaldy. Būl turaly qalalyq dene şynyqtyru jäne sport basqarmasy mälımdedı. Jarys 2021 jyldyŋ 25-31 qazan aralyǧynda «Shymkent Shooting Plaza» atqyştar keşenınde ötude. Jarystyŋ maqsaty-elımızdegı atu sportyn damytu, sportşylardyŋ bılıktılıgın arttyru jäne olardyŋ reitingın anyqtau, olardy respublikalyq jäne halyqaralyq jarystarǧa daiyndau, jattyqtyruşylar men töreşılerdıŋ käsıbi bılıktılıgın arttyru. Stend atu boiynşa halyqaralyq turnir "SHYMKENT SHOOTING PLAZA" aşyq atu alaŋynda ötedı, al oq atu boiynşa jarystar Şymkent qalalyq joǧary sport şeberlıgı mektebınıŋ atys tirı bazasynda ötedı. Turnir el Täuelsızdıgınıŋ 30 jylyna säikes otyzynşy ret ötkızılıp otyr. 2018 jyldan bastap būl turnir ISSF halyqaralyq atu federasiiasynyŋ sporttyq ıs-şaralar küntızbesıne engızıldı. Jarysqa 5 elden - Belarus, Qyrǧyzstan, Resei Federasiiasy, Özbekstan jäne Qazaqstannyŋ barlyq öŋırlerınen sportşylar qatysady. Sondai-aq, turnir barysynda Olimpiada jäne Aziia oiyndarynyŋ, Aziia chempionattarynyŋ chempiondary men jüldegerlerı, Älem kuboktarynyŋ jüldegerlerı öz şeberlıkterın körsetedı. Aita ketu kerek, Şymkentke kelgen barlyq sportşylar, jattyqtyruşylar men töreşıler PTR-testıleudıŋ terıs nätijelerı bar anyqtamalardy ūsyndy. Sonymen qatar, turnir ötetın sport nysandarynda barlyq sanitarlyq normalar saqtalady.