Üşınşı megapoliste «Ata-ana – ūlttyŋ ūiasy» atty ata-analar forumy bastaldy. «Senımen bolaşaq» respublikalyq qoǧamdyq bırlestıgı ūiymdastyrǧan auqymdy ıs-şaraǧa Şymkent qalasynyŋ äkımdıgı qoldau körsetıp otyr.
Alǧaş ret offlain ötıp jatqan forumǧa Şymkent qalasy äkımınıŋ bırınşı orynbasary Şyŋǧys Mūqan, «Senımen bolaşaq» QB qūryltaişysy Nūrken Asanov, QR Aqparat jäne qoǧamdyq damu ministrlıgı Jastar jäne otbasy ısterı komitetınıŋ töraǧasy Şahmardan Baimanov, «Bılım-İnnovasiia» halyqaralyq qoǧamdyq qorynyŋ prezidentı Darhan Öte, Türkıstan oblystyŋ adami äleuettı damytu basqarmasynyŋ basşysy Raqymbek Jolaev, ata-analar men qala tūrǧyndary, BAQ ökılderı qatysty.
Plenarlyq otyrysqa «Senımen bolaşaq» qoǧamdyq bırlestıgınıŋ töraǧasy, pedagog Ǧalymbek Bermaǧanbetov moderatorlyq jasap, jürgızıp otyrdy. Forumǧa QR Bılım jäne ǧylym vise-ministrı Şolpan Karinova onlain qosylyp, sättılık tıledı.
– Mūndai bastamalar, ata-analar forumy – öte maŋyzdy. Bala tärbiesı – ortaq müdde. Ata-ana – mektep – oquşy üştıgı tyǧyz qatynasta jūmys ıstese, köp jetıstıkke jeterımız sözsız. Sebebı, balalarymyz, oquşylardyŋ bılımı men tärbiesı eresekterdıŋ basty mındet-maqsaty sanalady. Forum jūmysyna ministr Ashat Aimaǧambetovtyŋ atynan sättılık tıleimın! – dedı Şolpan Taŋatqyzy.
«Senımen bolaşaq» respublikalyq qoǧamdyq bırlestıgınıŋ qūryltaişysy, qoǧam qairatkerı Nūrken Asanov, äsırese, pandemiia ūrpaq tärbiesıne salǧyrt qarauǧa bolmaitynyn ūǧyndyrǧanyn, internet damyǧan zamanda är ata-ananyŋ balalardyŋ janynan ärdaiym tabylu maŋyzdy ekenıne toqtaldy. Al Şymkent qalasy äkımınıŋ bırınşı orynbasary Şyŋǧys Mūqan bala tärbiesı är ata-ananyŋ özıne tıkelei bailanysty ekenıne basa nazar audardy.
– Balany tärbieleu üşın aldymen özımızdı tärbieleuımız kerek. Qarapaiym mysal retınde aitaiyn, barlyǧymyzda derlık ūialy telefon bar. Statistika boiynşa adam är 3 minut saiyn sol telefonǧa qarap qoia beredı. Söite tūra balasyna gadjetke qūmar bolmaudy eskertedı. Al ol üşın eresek adam aldymen özı ülgı boluy kerek. Oquşylardyŋ janynda mūǧalımı 5-6 saǧat bolsa, täulıktıŋ qalǧan uaqytynda ata-anasy bolady. Sondyqtan, ata-ana retınde jauapkerşılıktı sezınuımız kerek, – dedı Şyŋǧys Jūmabekūly.
Forum barysynda, QR Aqparat jäne qoǧamdyq damu ministrlıgı Jastar jäne otbasy ısterı komitetınıŋ töraǧasy Şahmardan Baimanov, «Bılım-İnnovasiia» halyqaralyq qoǧamdyq qorynyŋ prezidentı Darhan Öte, Türkıstan oblystyŋ adami äleuettı damytu basqarmasynyŋ basşysy Raqymbek Jolaev söz alyp, bala tärbiesı jolyndaǧy közqarastarymen, ūsynystarymen bölıstı.
Plenarlyq jiynnan keiın forum türlı taqyryptaǧy seminar-treningtermen jalǧasty. Onda bala tärbiesı salasyndaǧy Eljas Ertaiūly, Ashan Abjanov, Ǧalymbek Bermaǧanbetov sekıldı sarapşy mamandar täjıribelerımen bölıstı.
Nurlan Bektaev
