Öŋırımızdegı himiia-biologiia baǧytyndaǧy Nazarbaev Ziiatkerlık mektebınde «Qazırgı älemdegı Qazaqstan» atty aşyq sabaq öttı. Is-şaraǧa Şymkent qalasyndaǧy aldyŋǧy qatarly 30 mektepten 900-ge juyq oquşy onlain qatysuǧa mümkındık aldy.
Täuelsızdık sabaǧy «Nazarbaev Ziiatkerlık mektepterı» derbes bılım beru ūiymynyŋ avtorlyq baǧdarlamasynyŋ negızınde äzırlengen. Onda oquşylar Qazaqstannyŋ täuelsızdık jyldarynda jetken jetıstıkterı men baǧyndyrǧan belesterın atap körsettı.
Ziiatkerler «Täuelsızdık – mäŋgılık eldıŋ tūǧyry» atty bügıngı şarada eldıŋ ötken tarihy men bügıngı jetıstıgıne şolu jasady. Sabaq barysynda olar Qazaqstannyŋ 30 jyl ışınde jetken belesı jaiynda baiandap, jarqyn bolaşaqtyŋ kıltı – igı bastamalar ekenın aitty.
Bainazar Seitek, Himiia-biologiia baǧytyndaǧy Nazarbaev Ziiatkerlık mektebınıŋ oquşysy: «Bügıngı sabaqta bız täuelsızdıkte bolǧan oqiǧalar, iaǧni, mysalǧa Nazarbaevtyŋ bastauymen iadrolyq qarudan bas tartqan sekıldı ülken bastamalar bızge ülken älemdık deŋgeidegı qūrmettı jäne demokratiialyq bastamalar äkelude. Jäne osynyŋ arqasynda bız basqa elderdıŋ arasynda ülken abyroiǧa ie bolyp otyrmyz».
«Täuelsızdıktıŋ jastarǧa syilaǧan mümkındıgı öte zor. Ony keler ūrpaqqa aman-esen jetkızu basty maqsatymyz. Sonymen qatar, eldıŋ mereiın asqaqtatyp, biık şyŋdardan körınuı bızdıŋ qolymyzda» dedı Şymkent qalalyq himiia-biologiia baǧytyndaǧy Nazarbaev Ziiatkerlık mektebınıŋ direktory Qaiyrbek Buksukbaev. «Mūndai ülken özektı mäseleler bızdıŋ jastarymyzdan bastap, oquşylarymyz tereŋ oimen, ary qarai damyp, elımız körkeiedı dep senemın. Sebebı, eldıŋ eŋ bırınşı bailyǧy – beibıtşılık. Beibıtşılık bolatyn bolsa, basqa da salalardyŋ damuyna mümkındık bar. Onyŋ ışınde medisina, bılım salasy, är türlı sport jüielerınıŋ jaŋartulary, mūnyŋ bärı tek beibıtşılıktıŋ arqasynda jüzege asady».Mektep direktorynyŋ aituynşa, jyl soŋyna deiın Qytai Halyq Respublikasyndaǧy Sudjou mektebımen onlain formatta kezdesu josparlanyp otyr. Būl onlain sabaq Qazaqstannyŋ täuelsızdık jyldaryndaǧy damuy men jetken jetıstıkterın därıpteuge arnalmaq. Aldaǧy uaqytta ūiymdastyruşylar osy syndy sabaqty oflain formatta ötkızuge niettı ekenın de jetkızdı.
Güldana Däuren
