15-şı qyrküiekten bastap alǧaşqy medisinalyq-sanitarlyq kömek ūiymdaryna erkın tırkelu boiynşa jyl saiynǧy nauqan bastaldy.
Ol qaraşanyŋ 15-ne deiın jalǧasady.
Keler jyly sapaly medisinalyq kömekke qol jetkızu üşın tūrǧyndar bügınnen bastap öz taŋdauymen tūrǧylyqty jerı boiynşa emhanaǧa tırkeluge mümkındıgı bar. Bügınde Şymkent qalasynda äleumettık medisinalyq saqtandyru jüiesı boiynşa 14 memlekettık emhana jäne 27 jekemenşık alǧaşqy medisinalyq-sanitarlyq kömek ūiymdary qyzmet körsetedı.
Säbit Qūralbek, «Äleumettık medisinalyq saqtandyru qorynyŋ» Şymkent qalasy boiynşa filialynyŋ direktory:»Tırkeu nemese qaita bekıtu kezınde emhanany tūrǧylyqty jerıne jaqyn jerden taŋdau ūsynylady, qajet bolǧan jaǧdaida uchaskelık därıger nauqasqa üige bara alady. Būl äsırese pandemiia kezınde öte maŋyzdy».
Medisinalyq ūiymdarǧa tırkeludıŋ ädısıne toqtalsaq. Elektrondyq ükımettık veb-portaly arqyly egov. kz.saitynyŋ Densaulyq saqtau bölımınde «Medisinalyq-sanitariialyq alǧaşqy kömek körsetetın medisinalyq ūiymǧa tırkelu» qyzmetın taŋdau qajet. Örısterdı toltyru arqyly medisinalyq ūiymǧa ötınış beru kerek. Pasient turaly mälımetterdı emhana memlekettık aqparattyq jüielerden avtomatty türde alady. Ekınşı ädısı emhanaǧa jeke kuälıgımen tıkelei jügınu. Qazırgı taŋda emhanalarda barlyq jaǧdai jasalǧan deidı şahardyŋ bas därıgerı.
Baqytjan Pozilov, Şymkent qalasynyŋ densaulyq saqtau basqarmasynyŋ basşysy:»İnternet jüiesınıŋ jūmysyna qatysty kemşılıkter oryn alǧan emhanalarda qazırgı taŋda olar joiylǧan. Bız «Qazaqtelekom» jäne taratuşy kompaniialarmen jūmys ıstedık. «Samal-3″şaǧynaudanyndaǧy №6 emhanada internet jüiesı retke keltırıldı. Sonymen qatar, Bozaryq eldımekenındegı №10 emhanadaǧy internet jüiesı, Badam1,2 degı därıgerlık ambulatoriialyq bekette de qazırgı taŋda internet jaqsy jūmys ıstep tūr».Emhana, medisinalyq ūiymdarǧa tırkelu 15-şı qyrküiekten qaraşanyŋ 15-ne deiın jalǧasady. Tırkeluge qoljetımdı emhanalardyŋ tızımımen Mındettı äleumettık-medisinalyq saqtandyru qorynyŋ saitynda, Emhanany taŋdau bölımınde tanysuǧa bolady
Şynar Orazova
