Bügıngı «Arbat» alaŋynda ötken jastarǧa arnalǧan bos jūmys oryndary järmeŋkesıne qaladaǧy 50-den asa jūmys beruşı käsıporyndary men mekemeler qatysyp, 9000 myŋǧa juyq bos jūmys oryndaryn ūsyndy. Nätijesın körsetken järmeŋkede tūraqty jūmysqa 790 azamat, al «Jastar praktikasy» baǧdarlamasymen 121 jas joldama aldy.
Tūraqty jūmysqa joldama alǧan qala jastarynyŋ bırı – Aisūlu Qorabaeva. Ol biylǧy jyly Ä.Quatbekov atyndaǧy Halyqtar dostyǧy universitetınde «Bastauyş bılım beru mūǧalımı» mamandyǧy boiynşa bılım alǧan. Jūmys ızdep jürgen qala tūrǧyny däl osy järmeŋkede mamandyǧy boiynşa jūmys tapty.
– Bügıngı järmeŋke jaiynda aqparatty äleumettık jelı paraqşasynda körıp, quana keldım. Järmeŋkege kelgen soŋ bos jūmys oryndary tızımın tolyq qarap, öz mamandyǧym boiynşa laiyq keletınderıne jekelei bardym. Osylaişa, bastauyş pänı mūǧalımı bolyp qaladaǧy №120 mektepke joldama aldym. Sonymen qatar, jūmyspen qamtu ortalyǧynyŋ mamandary tüiındemenı dūrys jazu joldaryn tüsındırdı-deidı 26 jasar qala jasy.Sonymen qatar, järmeŋkede Soltüstık öŋırıne qonys audaru boiynşa aqparattyq-tüsındırme jūmystary ūiymdastyrylyp, nätijesınde elımızdıŋ Soltüstık öŋırlerıne qonys audaruǧa 100-den asa şymkenttıkter qyzyǧuşylyq tanytyp, niet bıldırdı. Aita ketsek, jyl basynan berı «Eŋbek» memlekettık baǧdarlamasy şeŋberınde 18 myŋnan astam şymkenttıkter jūmyspen qamtu şaralaryna qatysty. Onyŋ ışınde jūmyspen qamtylǧan jastardyŋ qatarynda 2384-ı jastar praktikasymen, al 102-ı alǧaşqy jūmys orny jobasymen jūmysqa joldandy.
"Adyrna" ūlttyq portaly
