Şymkenttegı joǧary jäne arnauly oqu oryndary arasynda ötken sporttyq doda öz märesıne jettı. Joǧary sport şeberlıgı mektebınde «Shymkent jastar ligasy» jobasynyŋ qatysuşylaryna qūrmet körsetılıp, jeŋımpazdar marapattaldy. Jarys el Täuelsızdıgınıŋ 30 jyldyǧyna arnalyp ūiymdastyrylǧan bolatyn.
Dübırlı dodanyŋ jabylu räsımınde söz alǧan qala äkımınıŋ bırınşı orynbasary Şyŋǧys Mūqan barlyq qatysuşylarǧa sättılık tılep, atalǧan jobanyŋ auqymy keŋeiıp, tatulyq pen dostyqty tu etken bırınşılıktıŋ tartysty bolǧanyn aittyp öttı. Sonymen qatar, jüldeger atanǧan jastardy jeŋısterımen qūttyqtady.
– Qala äkımınıŋ qoldauymen ötken jyly Jastar ligasynyŋ bırınşı kezeŋın ötkızgen bolatynbyz. Biyl jaŋa oqu jylynda joǧary jäne arnauly oqu oryndarynan da komandalar jarysqa qatysuǧa niet bıldırdı. Jarystyŋ maqsaty – salauatty ömır saltyn qalyptastyryp, sporttyŋ būqaralyǧyn arttyru. Atalǧan jarys baqtalastyq emes, dostyq qarym-qatynasty nyǧaituǧa sep bolady dep senemız, - dedı Şyŋǧys Jūmabekūly.Sporttyq saiysqa joǧary jäne arnauly oqu oryndarynan jalpy 98 komanda qatysqan. Olar futbol, voleibol, basketbol, şahmat syndy sport türlerınen baq synady. Tartysty doda nätijesınde jeŋıske jetkenderge kubok pen medaldar tabystaldy. Saltanatty jiyn soŋynda jas gimnastşylar öner körsetıp, ıs-şara konserttık baǧdarlamaǧa ūlasty.
