QR Täuelsızdıgınıŋ 30 jyldyǧy qarsaŋynda üşınşı megapoliste kezektı elektr stansiiasy ıske qosyldy. Qalanyŋ infraqūrylymy üşın maŋyzdy strategiialyq nysannyŋ resmi aşylu saltanatyna qala äkımı Mūrat Äitenov, qalalyq mäslihattyŋ hatşysy Bahadyr Narymbetov, energetika jäne infraqūrylymdy damytu basqarmasynyŋ basşysy Boranbai Bolatbekov jäne jauapty mamandar men jergılıktı tūrǧyndar qatysty.
Memleket basşysynyŋ tapsyrmasymen bügıngı taŋda Şymkent qalasyn sapaly elektr quatymen qamtu jospary ıske asyryluda.
– Şymkent qalasyn sapaly elektr quatymen qamtu – maŋyzdy mındet. Qalanyŋ energetika salasyn keşendı türde jaŋǧyrtu bastamasy qolǧa alyndy. Bes jylda 10 qosalqy elektr stansiiasy salynady. Biyl «Bozaryq» qosalqy stansiiasy ıske qosyldy. Bügın «1-M-1» stansiiasy jūmysyn bastap otyr. Būl joba 4 eldımekennıŋ 70 myŋǧa juyq tūrǧynyn sapaly elektr quatymen qamtuǧa mümkındık beredı, – dedı Mūrat Düisenbekūly.Qūrylysy 2019 jyly bastalǧan "1-M-1" qosalqy elektr stansiiasynyŋ quaty qalanyŋ Asar-2, Soltüstık saiajai, Qainarbūlaq jäne Dostyq şaǧynaudandarynyŋ tūrǧyndaryn sapaly elektr jaryǧymen qamtamasyz etuge mümkındık beredı. Būl keşen 110 kV jelı arqyly «Bozaryq» stansiiasynan quat alady. Qūrylysyn «Elektromontaj» AQ jürgızgen keşen zamanaui elektr qūraldarymen jabdyqtalǧan. Qosalqy elektr stansiiasynyŋ ıske qosyluymen Asar-2 şaǧynaudanyndaǧy 2765 abonentke sapaly elektr quaty berıldı. Al Soltüstık saiajai, Qainarbūlaq, Dostyq eldımekenderıne sapaly elektr energiiasy ışkı oramdyq jelıler qūrylysy aiaqtalǧannan keiın berıledı.
