El Täuelsızdıgınıŋ 30 jyldyǧy men qazaqtyŋ tūŋǧyş aǧartuşysy Y.Altynsarinnıŋ 180 jyldyǧyna orai şymkenttık «17» jastar teatry «Ybyrai» drama-ommajyn sahnalady. Qoiylym tūsaukeserıne Şymkent qalasy äkımınıŋ orynbasary Ş.Mūqan, pesa avtory, dramaturg M. Omarova jäne ziialy qauym ökılderı qatysty.
Dramaturg M.Omarovanyŋ aituynşa, pesa jastar teatrynyŋ direktory, ärı körkemdık jetekşısı Rüstem Äuelbekovtıŋ ūsynysymen jazylǧan.
— Ūly aǧartuşy-pedagog Y.Altynsarinnıŋ 180 jyldyǧyna orai teatr direktorynan pesa jazuǧa ūsynys tüskende bıraz ızdenuge tura keldı. Sebebı, Y. Altynsarinnıŋ aǧartuşylyq qyrynan bölek, ǧalym, etnograf, folklorşy syndy san qyry bar. HIH ǧasyrdyŋ soŋynda qazaq dalasynda missionerlerdıŋ yqpaly küşeiıp tūrǧan tūsta qoǧamdaǧy qysymǧa qaramai, mektep aşyp, oqulyq jazuynyŋ özı ülken erlık. Bız mektep mūǧalımderı men jastarǧa Ybyraidyŋ aǧartuşylyq qyryn aşuǧa tyrystyq, -deidı dramaturg.Al, qoiuşy rejisser Farhadbek Qanafin «17» jastar teatrymen ekınşı märte şyǧarmaşylyq bailanys ornatyp otyr. Būǧan deiın «Tastamaşy menı ana» spektaklın sahnalaǧan.
— Körermendı HIH ǧasyrǧa jetelep, qazaq dalasyna Y. Altynsarinnıŋ ılım-bılımdı qandai eŋbekpen äkelgenın, onyŋ missionerlermen küresın körsetuge küş saldyq, - deidı F. Qanafin.Qoiylym premerasy anşlagpen öttı. Ybyraidyŋ tatar tılındegı oqulyqtan bas tartyp, qazaqtyŋ bolmysyna sai kıtap jazuy, bılım taratu jolyndaǧy küresı körermenderge oi saldy. Aita keteiık, «17» jastar teatry 2018 jyly qūrylǧan. Repertuarynda onǧa juyq spektaklı bar teatr, «Ybyraidy» respublikanyŋ tükpır-tükpırınde sahnalaudy josparlap otyr.
