Táýelsizdiktiń 30 jyldyǵy jáne Stýdentter kúni men «Juldyzdy 30 kún» jobasy aıasynda Shymkenttegi ındýstrıalyq-tehnıkalyq kolledjinde qaladaǵy arnaýly oqý oryndary stýdentteriniń «Bilimdi jas — Qazaqstannyń bolashaǵy» atty festıvali ótti.
Merekelik is-sharada arnaıy kórme uıymdastyryldy. Onda ár kolledj kásiptik mamandyǵyna qaraı stýdentter qolymen jasalǵan buıymdardy kelýshiler nazaryna usyndy. Sondaı-aq festıval barysynda shákirtter arasynda pikirtalas saıysy ótip, stýdentter parlamentarııasy uıymdastyryldy.
— Pandemııaǵa baılanysty kolledj shákirtteri konerttik is-sharalarǵa qatysa almaı qalǵan edi. Karantındik talaptardyń jeńildeýiniń arqasynda kópten beri endi oflaın rejımde festıval uıymdastyryp jatyrmyz. Buǵan stýdentterdiń barlyǵy dán rıza, qýanyshtarynda shek joq. Is-sharalardyń barlyǵyna belsene qatysýda. Festıvaldiń basty maqsaty- Táýelsizdiktiń 30 jyldyǵyn atap ótý bolsa, ekinshi jaǵynan osyndaı merekelik is-shara arqyly arnaýly oqý oryndarymen baılanys nyǵaıyp, ortaq máseleler ortaǵa salynyp ári stýdentter ózara tanysýǵa, tájirıbe almasýǵa zor múmkindik alady. Sonymen birge Ózin-ózi taný páni boıynsha bizdiń bilim oshaǵy respýblıkada pılottyq jobaǵa kirgen. Osy festıvalde sonyń aıasynda vebınar ótkizildi. Egemendikti eńseli etý jolynda kásiptik kolledjderdiń jumysshy mamandar daıarlaýda qosar úlesi óte zor. Memleket tarapynan da arnaýly oqý oryndaryna kórsetiletin qoldaý sharalary jyldan-jylǵa ulǵaıtyp keledi. Sondyqtan keleshekte kásiptik mamandyqtar oqytýda kolledjderdiń ataq-abyroıy odan saıyn artady degen úmittemin, - dedi ındýstrıalyq-tehnıkalyq kolledj dırektory, ekonomıka ǵylymdarynyń doktory, professor Tilek Isahmetov.
Kolledjder arasynda ótip jatqan festıval sońy ónerli stýdent jastardan quralǵan kórkemónerpazdar tobynyń merekelik konertimen aıaqtaldy.
