«Eŋbek» baǧdarlamasymen 20 myŋǧa juyq adam jūmyspen qamtyldy

Şymkent qalasynyŋ äkımı Mūrat Äitenov jūmyspen qamtu jäne äleumettık qorǧau basqarmasynyŋ basşysy B.Narbekovanyŋ 9 ailyq esebın qabyldady. Qalada 2021 jyly «Eŋbek» baǧdarlamasy şeŋberınde 33 500 adamdy jūmyspen qamtu şaralaryna qatystyru josparlanyp, eseptı kezeŋde 19 347 adam jūmysqa ornalasqan. Basqarma basşysynyŋ sözınşe, memlekettık baǧdarlamanyŋ I baǧyty boiynşa 2 675 adam 3 ailyq käsıptık oqytu kurstaryna, II baǧytynda 2 155 adam «Bastau biznes» jobasymen käsıpkerlık kursyna oqytuǧa joldandy. Şaǧyn nesienı 53 adam alsa, 584 adamǧa memlekettık grant berıldı. Baǧdarlamanyŋ III baǧyty boiynşa (halyqty jūmyspen qamtuǧa järdemdesu) 8 168 adam bos jäne jaŋa jūmys oryndarǧa, 336 adam äleumettık jūmysqa, 2 531 adam jastar praktikasyna, 2 845 adam qoǧamdyq jäne 115 adam «Alǧaşqy jūmys oryndary» jobasy boiynşa 24 aiǧa joldandy. B.Narbekova halyqty äleumettık qorǧau baǧyty jönınde de aityp öttı. Osy jyldyŋ I toqsanynda 36 969 otbasyǧa (179 209 adam), II toqsanda 30 962 otbasyǧa (149 147 adamǧa), III-toqsanda 19 333 otbasyǧa (90 177 adamǧa) memlekettık atauly äleumettık kömek tölengen.