Atyrauda «Sasyq sai» atalyp ketken bulanu alqabynyŋ jartysy tolyqtai qūrǧatyldy. Būl jūmys Atyrau mūnai öŋdeu zauytynyŋ sol jerdı qalpyna keltıruge arnalǧan «Tazalyq» jobasy aiasynda ıske asuda dep habarlaidy Forbes.kz.
«Saidy tört bölıkke bölıp, bırınşı sektordy tolyǧymen qūrǧattyq. Ekınşısı 95 paiyzǧa aiaqtaldy. Onda azdaǧan kölemde su qalady. Bız ony keiın soryp alamyz. Äzırge ol jerge tehnika bara almaidy. Sudyŋ tolyqtai aǧyp ketuı üşın uaqyt qajet» deidı Atyrau mūnai öŋdeu zauytynyŋ qūrylysty ūiymdastyru bölımı basşysynyŋ orynbasary Qanat Saǧyzbaev.Onyŋ aituynşa, 2022 jyly bırınşı jäne ekınşı sektorlardaǧy qamys şabylyp, jerı jyrtylyp, rekultivasiialandy. Tiısınşe mūnai qaldyqtary gektaryna bır tonnadan bölınetın biologiialyq önım arqyly tazartylady. Būl preparat negızgı lastauşy mūnai önımderın joiuǧa kömektesedı. Sodan keiın topyraq qūramy azoty bar tyŋaitqyştarmen baiytylady. Osylaişa qara jerge köŋıl audarǧannyŋ arqasynda sol maŋda ösımdıkterdıŋ tabiǧi türde qaita bas köteruıne mümkındık paida bolady.
«Alǧaşqy ekı-üş jylda negızınen qamys ösedı jäne ol jerdı jaqsy tazartady. Sodan keiın basqa şöp şyǧa bastaidy» deidı Qanat Saǧyzbaev.Bulanu alqabynyŋ ekınşı-üşınşı sektoryn qūrǧatu 2022 jyly bastalady. Onyŋ rekultivasiiasy da 2023 jylǧa deiın alǧaşqydaǧydai shemamen jüzege asady. Keiın bırneşe jyl qatarynan mamandar ziiandy zattardyŋ azaiu dinamikasyn qadaǧalap, monitoring jürgızetın bolady. Qazırgı uaqytta Atyrau mūnai öŋdeu zauytynan bölınetın qaldyq su bulanu alqabyna tögılıp jatyr. Jaqynda uaqytşa jabyq qūbyr ıske qosylǧan soŋ, 3 jarym şaqyrymǧa sozylǧan aşyq kanal qūrǧatylady. Al onyŋ ornyna ekı tūrba tartylady. Onyŋ bıreuı qosalqy qyzmet atqarady. Degenmen qūbyrlar «sasyq saiǧa» emes, qalanyŋ kärızdık tazartu jüiesıne qarai baǧyttalǧan.
«Aǧyn sudyŋ 15 paiyzy qaita paidalanylady. Eger sudy tazalau barysynda sapanyŋ joǧary körsetkışı baiqalsa, qaita paidalanylatyn sudyŋ kölemın arttyratyn mümkındık bar» dep tüiındedı sözın Qanat Saǧyzbaev.«Sasyq sai» – qalanyŋ sol jaǧalauynan şyǧatyn aǧyn sular men öndırıs qaldyqtary jinalatyn bulanu alaŋy. Onyŋ 476 gektary äkımdıkke, 860 gektary Atyrau mūnai öŋdeu zauytyna tiesılı. 2021 jyldyŋ säuır aiynda zauyt bulanu alqabynyŋ özıne tiesılı bölıgın qalpyna keltıruge jäne aǧyn sulardy toqtatuǧa baǧyttalǧan «Tazalyq» jobasyn ıske asyrudy bastady. Jobany qarjylandyrudy «Europalyq qaita qūru jäne damu bankı» moinyna alyp, jobany jüzege asyru üşın 80 million AQŞ dollaryn böluge daiyn ekenın bıldırdı.
«Adyrna» ūlttyq portaly
