Türkıstan oblysy, Keles audanynyŋ aqsaqaldary 48 balanyŋ ömırıne araşa tüsıp, jetımdıkten saqtap qaldy. Osylai degen Ūşqyn auyl äkımşılıgınıŋ ardagerler keŋesınıŋ töraǧasy Lesbek Jūmaǧūlov äkımdık janynan qūrylǧan ardagerler keŋesı jäne äjeler keŋesınıŋ bırqatar tyndyrymdy tırlıkterın ortaǧa saldy. Basqosu barysynda Kelestık aqsaqaldardyŋ erlıgı jaily aityldy.
«Bügınde jastar arasynda qariialar tarapynan tälımdık, tärbielık mänı bar ügıt nasihattardy jürgızudemız. Bügıngınıŋ oilandyratyny – jas otbasylardyŋ būzyluy. Köŋılge kırbıŋ keltıretın oqiǧany aldyn-alu baǧytynda äjeler keŋesımen bırıgıp, jastardyŋ şaŋyraǧyna baryp, önegelı äŋgımeler aitudamyz. Bügınde şaŋyraǧy şaiqalmaq bolǧan 24 otbasy bızge jügındı. Sol otbasylardy aqsaqaldarymen bırlese sabyrǧa şaqyryp, ortaǧa alyp mäselenı şeştık. Allaǧa şükır, olardan taraǧan 48 balany tırı jetımdıkten saqtadyq dep aita alamyn», – deidı Lesbek Jūmaǧūlov.Aqsaqaldyŋ aituynşa, ajyraspaq bolǧandardyŋ arasynda jasy 60 alqymdaǧan el aǧalary da bar eken. Olarmen de tüsındıru jūmystaryn jürgızgen keŋes töraǧasy nätijelı mejege qol jetkızıptı. Osy baǧyttaǧy jūmystar jetıldırılude. Otbasy qūndylyǧy men yntymaǧyn saqtauda enelerdıŋ orny orasan ekenın aitylǧan otyrysta «Eneler mektebı» degen ūiym aşu turaly ūsynys aityldy.
"Adyrna" ūlttyq portaly
