Şymkent: Azamattardy baspanamen qamtuda jüielı jūmystar jürgızılude

Şymkent qalasynyŋ tūrǧyn üi basqarmasynyŋ basşysy Azamat Rysjanov tūrǧyndardyŋ baspana mäselesıne qatysty ötınışterın tyŋdap, jeke qabyldau jürgızdı.

Basqarma basşysy 30-ǧa juyq azamatty qabyldady. Baspana mäselesımen kelgenderdıŋ bırı qala tūrǧyny Maira Izbasarova. Tūrǧyn üi kezegıne halyqtyŋ äleumettık älsız toby sanatynda tolyq emes otbasy retınde 2012 jyly tırkelgen. Ol tūrǧyn üi kezegınıŋ soŋǧy uaqyttarda aitarlyqtai jyljyp jatqandyǧyn egov elektrondyq portaly arqyly baqylau barysynda baiqaǧan. Basqarma basşysy Zaŋǧa säikes memlekettık tūrǧyn üi qorynan tūrǧyn üi belgılengen tärtıppen kezek retı boiynşa berıletındıgın jetkızdı. Atalǧan şara barysynda A. Rysjanov «Nūrly jer» memlekettık baǧdarlamasy aiasynda nesielık negızde «Şaŋyraq» baǧytynyŋ qatysuşylaryna tūrǧyn üi sertifikatynyŋ talaptary men şarttaryn tüsındırıp öttı. Sonymen qatar tūrǧyn üi kezegındegı azamattardyŋ kezek retı basqarma tarapynan atqarylyp jatqan jospar boiynşa jäne jürgızılıp jatqan tügendeu jūmystaryna säikes tiıstı deŋgeide jyljyp jatqandyǧyn atap öttı. Tūrǧyn üi kezegıne qatysty qyzmetter bügınde tolyǧymen avtomattandyrylǧan. Azamattar özderınıŋ tūrǧyn üi kezek retın egov elektrondyq portaly arqyly baqylai alady Aita ketu kerek, kredittık baǧytta baspanaly boludy közdegen azamattar üşın «Şaŋyraq» baǧdarlamasy boiynşa nesielık negızde jyldyq mölşerlemesı 5 paiyzben berıletın üilerge tıkelei satylym boiynşa ötınımder «Otbasy» bank arqyly aǧymdaǧy jyldyŋ 15 qyrküiekten-13 qazan aralyǧynda jürgızılude. «Otbasy» bankı jariialaǧan aqparattarǧa säikes, Şymkent qalasynda «Baqytty otbasy» baǧdarlamasynyŋ negızgı tızımındegı tölem qabılettıgın rastaǧan, alaida älı päter ızdeu üstınde nemese negızgı tızımde, älı bankke kelmegen azamattar «Şaŋyraq» baǧyty arqyly berılıp jatqan baspanalardy 2 paiyzdyq jeŋıldetılgen körsetkışpen ala alady. Baǧasy naryqtan tömen baspanany alu üşın baspana.otbasybank.kz saity arqyly azamattar öz ötınışterın joldai alady. Qalǧan azamattar üşın Şaŋyraq baǧdarlamasy boiynşa alǧaşqy jarna 10 %, nesie 5 %-ben berıledı.