Şymkent qalasynda «Shymkent Shooting Plaza» atqyştar keşenınde, Gran-Pri oq jäne stend atu sportynan KSRO sport şeberı Vladimir Pochivalovty eske aluǧa arnalǧan Halyqaralyq turnir ötude.
Jarysqa Belarus, Qyrǧyzstan, Resei Federasiiasy, Özbekstan jäne Qazaqstannyŋ barlyq öŋırlerınen sportşylar baq synasyp jatyr. Sondai-aq, turnir barysynda Olimpiada jäne Aziia oiyndarynyŋ, Aziia chempionattarynyŋ jäne Älem kuboktarynyŋ jüldegerlerı de öz şeberlıkterın körsetude.
Qaladaǧy būl turnir osymen qatar 30-şy ret ötkızılıp otyr. Būl atys sportynyŋ tarihynda mereilı mereke retınde atalynyp otyr. Al 2018 jyldan bastap būl turnir ISSF halyqaralyq sporttyq atu federasiiasynyŋ sporttyq ıs-şaralar küntızbesıne engızıldı.
Jalpy halyqaralyq därejedegı jarystardy ötkızudegı negızgı maqsat- elımızdegı atys sportyn damytu, sportşylardyŋ bılıktılıgın arttyru jäne olardyŋ reitingın anyqtau, olardy respublikalyq jäne halyqaralyq jarystarǧa daiyndau, jattyqtyruşylar men töreşılerdıŋ käsıbi bılıktılıgın arttyru.
Turnir ötetın sport nysandarynda barlyq sanitarlyq normalar saqtalǧan. Şymkentke kelgen barlyq sportşylar, jattyqtyruşylar men töreşıler PTR-testıleudıŋ terıs nätijelerı bar anyqtamalardy ūsyndy. Jarys 31 qazanǧa deiın jalǧasady.
Şymkent qalasynyŋ Aqparattyq-kommunikasiialyq ortalyǧy
