Búgin Aqparattyq-kommýnıkaııalyq ortalyǵynda Shymkent qalalyq «Jastar resýrstyq ortalyǵy» KMM-niń basshysy Erlan Aıtbaev pen aqyn, «Daryn» syılyǵynyń ıegeri Birjan Baıtýovtyń qatysýymen brıfıng ótti. Baspasóz májilisinde Erlan Sadyrbaıuly respýblıkalyq deńgeıde ótetin baıqaý týraly habarlady.
– QR Táýelsizdiginiń 30 jyldyǵyna oraı «Táýelsizdik – babalar amanaty» atty jas aqyndar arasynda respýblıkalyq «Kúmis dombyra» aıtysy men «Kúmis qalam» poezııalyq keshi ótedi.
Erejege sáıkes atalmysh baıqaýǵa respýblıkanyń 14 pen 29 jasqa deıingi 30 aıtysker men 30 jazba aqyny qatysýǵa nıet bildirgen. Osy rette nátıje boıynsha 16 aıtysker jáne 20 jazba aqyn irikteldi. Aıtyskerler osy jyldyń 6 qazan kúni, al jazba aqyndar 5 qazan kúni ótetin dodada baq synaıdy, – dedi Erlan Sadyrbaıuly. Spıkerdiń sózinshe, aıtystyń birinshi kezeńinde (túske deıin) 16 aqyn bir-birimen juptasady. Bul rette 8 jup 20-25 mınýt kóleminde aıtysady. Qazylar alqasynyń sheshimimen fınalǵa 8 nemese 6 aıtysker joldama alady. Al fınalda (tústen keıin) jalpy 4 nemese 3 jup 15 mınýt kóleminde aıtysyp, jeńimpaz anyqtalady. Brıfıng barysynda aqyn, «Daryn» syılyǵynyń ıegeri Birjan Baıtýov «Kúmis dombyra» aıtysy men «Kúmis qalam» poezııalyq keshiniń ereksheligine toqtaldy. – Baıqaýdyń ereksheligi – qatysýshylar Ońtústik týraly 1 óleń oqýǵa tıis. Iaǵnı óńirimizge arnalatyn óleńderdiń qatary kóbeıedi. Sondaı-aq, Aıtys nátıjesi boıynsha 16 aqynnyń ishinen oza shapqan jeńimpaz kúmisten jasalǵan dombyraǵa jáne baǵaly syılyqqa ıe bolady, – dedi Birjan Ǵanıuly. Sonymen qatar, poezııalyq kesh 4 kezeńnen turady. Birinshi kezeńde 20 aqyn bir-bir óleńnen oqıdy. Shırek fınaldyq kezeńge 12 aqyn joldama alady. Iaǵnı, 6 jup óner kersetip, ár aqyn 2 óleńnen oqıdy. Jeńimpazdarǵa jartylaı fınalǵa joldama berilip, 3 (6 aqyn) jup óner kórsetedi. Ár aqyn 3 óleńnen oqıdy. Jeńimpaz atanǵan 2 aqyn fınalda jolyǵady. Al qalǵan 4-eýi ádebı syılyqtyń laýreaty atanady. Sondaı aq fınaldyq kezeńdegi eki aqyn 5 óleńnen oqıdy. Fınaldyń jeńimpazy «Kúmis qalam» ıesi, al fınalıst bir aqyn ádebı syılyqtyń laýreaty atanady. Aıta keteıik, baıqaýdyń negizgi maqsaty - jas talanttar men oqyrmandardyń, ádebıettegi aǵa býyn men jas tolqynnyń pikirles orta tabýyna arqaý bolý jáne olardyń ónerge degen qushtarlyǵyn arttyrý.
