«Täuelsızdık jyldarynyŋ qūrmettı azamattary» körmesı öttı

Şymkent qalasynda el täuelsızdıgınıŋ 30 jyldyǧyna orai «Täuelsızdık jyldardaǧy Qūrmettı azamattary» atty körme ūiymdastyryldy. «Qūrmettı azamattar» gülzarynda arnaiy körme jasaqtalyp, qalamyzdyŋ damuyna öz ülesterın qosqan, «Şymkent qalasynyŋ Qūrmettı azamaty» ataǧyn alǧan 139 azamattyŋ 1991-2021 jyldar aralyǧyndaǧy eŋbekterı, jobalary, suretterı, kıtaptary men qūjattary qoiylǧan. Jiynnyŋ qūrmettı qonaǧy bolǧan arhitektor Asqar Äzımbaev qalanyŋ güldenu jolyndaǧy jasaǧan jobalary jönınde baiandasa, QR Halyq ärtısı Saparbai Ötemısūly egemendıkten keiıngı Şymkent qalasynda teatr önerınıŋ örlegenın tılge tiek etıp, Abai öleŋderınen üzındeler oqydy. Sonymen bırge, Ädılhan Sūltanbekov, Saǧynǧali Abubakirov, İkram Hakimjanov, , jazuşy Serık Janäbılov jäne Tatiana Romanovalar özınıŋ eŋbek joldary turaly aitty. Bügınde qalalyq arhiv mekemesı «Arhiv-2025» keşendık jospary boiynşa täuelsızdık jyldary qalaǧa eleulı ülesın qosqan azamattar turaly mälımetter jinaǧyn jaryqqa şyǧarudy josparlap otyr. Ūsynylǧan mälımetter Şymkent qalasy memlekettık arhivı men qalalyq mäslihaty arhivı jäne Türkıstan oblysynyŋ memlekettık arhivte saqtauda tūrǧan qūjattar negızınde jinaqtalǧan.