Şymkent qalasynda halyqaralyq «HALAL EXPO 2021» körmesı ötude

Şymkent qalasyndaǧy «Körme» ortalyǧynda QMDB «Halal Damu» mekemesı jäne qala äkımdıgınıŋ bırlese ūiymdastyruymen «Halal EXPO-2021» körmesı bastaldy. 11-12 qazan aralyǧyna josparlanǧan «HALAL EXPO 2021» – otandyq jäne şeteldık käsıporyndarǧa öz önımderı men qyzmetın ūsynuǧa mümkındık beretın halal industriiasyndaǧy eŋ üzdık körme. Halyqaralyq körme elımızde, onyŋ ışınde Şymkent qalasynda tūŋǧyş ret ūiymdastyrylyp otyr. QMDB Töraǧasy, Bas müfti Nauryzbai qajy Taǧanūly, naib müfti Erşat Aǧybaiūly, Şymkent qalasy äkımınıŋ bırınşı orynbasary Şyŋǧys Mūqan ıs-şaranyŋ aşylu räsımıne qatysyp, körmenı aralap şyqty. Halyqaralyq järmeŋkege älemdık jäne otandyq käsıpkerler men investorlar, halal industriiasyndaǧy belgılı käsıporyndar men halyqaralyq sertifikattau organdary qatysuda. Körmede azyq-tülık, kiım-keşek, kosmetikalyq būiymdar jäne taǧy basqa tauarlar ūsynylady. Körmege 50-den astam otandyq käsıporynnyŋ önımderı qoiylǧan. Sonymen qatar Resei, Özbekstan, Qyrǧyz elınıŋ de käsıpkerlerı öz tauarlaryn äkelgen. Qala tūrǧyndary men qonaqtaryn, käsıpkerlerın atalǧan körmege keluge şaqyramyz. Halyqaralyq körme ekı künge jalǧasady.