Şymkentte köz aurulary klinikasy aşyldy

Şymkentte köz aurulary bar nauqastardy qabyldaityn klinika aşyldy. 1934 jyldan berı qyzmet atqaryp kele jatqan Almaty Köz aurulary Qazaq ǧylymi-zertteu instituty qalamyzda klinikasyn aşty. Qazaqstannyŋ oŋtüstık öŋırı bölımşesı sanatyndaǧy būl klinika ozyq medisinalyq jabdyqtarmen qamtylǧan. Zamanaui ülgıdegı jaŋa medisinalyq ortalyqtyŋ aşylu räsımıne Parlament Mäjılısınıŋ deputattary, Densaulyq saqtau ministrlıgınıŋ ökılderı jäne Şymkent qalasynyŋ äkımı qatysty. Aşylu räsımınde söz alǧan qala basşysy Mūrat Äitenov klinikanyŋ aşyluy arqyly tūrǧyndardyŋ sapaly medisinalyq kömekke, bılıktı därıgerlerden keŋes aluǧa qoljetımdılıgı artqanyn atap öttı. «Būl klinika Şymkent qalasymen bırge Jambyl, Qyzylorda, Türkıstan oblystarynyŋ tūrǧyndaryna qyzmet körsetedı. Kürdelı ota jasatu üşın tūrǧyndar būryn Nūr-Sūltan, Almaty qalalaryna barsa, endı mūndai kürdelı otalar qalamyzda jasalady. Medisinalyq kömek sapasyn arttyru – memlekettık saiasattyŋ basym baǧyty. Biylǧy jyly qalamyzda 5 medisina ortalyǧy aşyldy. Soŋǧy 2 jylda medisina ūiymdarynyŋ materialdyq-tehnikalyq bazasyn jaŋartuǧa 12,9 mlrd. teŋge baǧyttaldy. Jaŋaru körsetkışı 81 paiyzǧa jetedı. Aldaǧy 5 jylda 1 myŋ oryndyq auruhana, 10 emhana, 12 därıgerlık ambulatoriia salynady. Jyl saiyn 300 därıger şet elderge bılıktılıgın arttyruǧa jıberıledı», - dedı M.Äitenov. Şymkent qalasynda aşylǧan klinika tūtas oŋtüstık öŋırınıŋ tūrǧyndaryna qyzmet körsetetın bolady. Mūnda kündızgı jäne täulık boiy stansionarlar aşylyp, 38 tösek orny daiyndalǧan. Klinikada konsultativtı-diagnostikalyq, lazerlık em bölımşelerı aşylǧan. Klinika adam organizmınıŋ köru qabıletımen bailanysty 15 auru türlerı boiynşa nozologiialyq qyzmet körsetıp, em şaralaryn jürgızedı. Joǧary medisinalyq tehnologiialardyŋ kömegımen 9 ota türlerı jasalyp, nauqastardyŋ tolyq qalpyna kelulerıne deiın därıgerlık kütımge alynady. Klinikadaǧy alǧaşqy ota bügın jasalady, oǧan därıgerler ūjymy tolyq daiyn. Ortalyqta 81 adam jūmyspen qamtyldy. Onyŋ ışınde 21 adam täjıribelı därıgerler bolsa, orta buyn medisina qyzmetkerlerınıŋ sany 30 adam. Qalǧandary kömekşı personaldy qūraidy.