Şymkent qalasynyŋ äkımı Mūrat Äitenov Işkı saiasat jäne jastar ısterı jönındegı basqarmasynyŋ 9 aida atqarylǧan esebın qabyldady. Basqarma basşysynyŋ mındetın atqaruşy M. Şotanov qalada jastar saiasatyn jürgızude atqarylǧan jūmystardy baiandady.
Basqarma bügınde 5 baǧyt boiynşa jūmys atqarsa, sonyŋ bır baǧyty – jastar saiasaty. Şymkentte qazır 14-29 jas aralyǧyndaǧy 239 986 jas bar, olar qala halqynyŋ 22,3% qūraidy. Eseptı kezeŋ boiynşa 10 215 jas jūmyspen qamtylǧan. Onyŋ ışınde uaqytşa jūmysqa – 4 362, bos jūmys oryndaryna –3 315, jappai käsıpkerlıktı damytuǧa –1 132, käsıptık oquǧa –1 094, memlekettık baǧdarlamalar şeŋberınde – 214, Jol karta aiasynda – 98 jas buyn joldanǧan.
Bügınde qalada jūmys ısteu men ızdenuge nietı joq, iaǧni NEET baǧytyndaǧy jastar 7,3 (16 207) paiyzdy qūraidy. Jyl soŋyna deiın körsetkıştı tömendetu üşın 1 332 jaspen jūmys jürgızu közdelıp otyr.
Volonterlıktı qoldau maqsatynda meyirim.kz elektrondyq qaiyrymdylyq portaly ıske qosylǧan. Qazır onda 31 qaiyrymdylyq qory, 19 zaŋdy tūlǧa, 4 äleumettık düken, 73 erıktı tırkelgen. Bügınge deiın portal arqyly 3 773 mūqtaj otbasyǧa kömek körsetılgen.
Qaladaǧy volonterlık ūiymdar bügınge deiın äleumettık jaǧdaiy tömen otbasylar men qariialarǧa 7000-ǧa juyq azyq-tülık sebetın taratqan.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz