Şymkent qalasynyŋ Sairam kömekşı mektep-internaty «Sairam kömekşı mektep-internat-kolledjı arnaiy keşenı» märtebesıne ie boldy.
Mektep qabarǧasynda 267 bala bılım aluda. Sairam kömekşı mektep-internat-kolledjı arnaiy keşenıne būrynǧy mektep-internattyŋ ornyna jaŋa ülgıdegı ǧimarat salynǧan. Bılım beru keşenı jataqhana, oqu ǧimaraty, akt pen sport zaldary, medisinalyq beket jäne ashanamen qamtylǧan. Mektep-internattyŋ 36 synyptyq bölmelerı soŋǧy ülgıdegı oqu qūrylǧylarymen jabdyqtalǧan. Zamanaui ülgıde boi kötergen ǧimaratta tıgınşılık, aǧaş öŋdeu, aspazdyq käsıptı üiretuge arnalǧan şeberhana bölmelerı, arnaiy kütımdı qajet etetın balalarǧa arnalǧan korreksiialyq oqu, sensorlyq bılım alu, psiholog, logoped mamandardyŋ synyp bölmelerı arnaiy jabdyqtalyp, jazǧy sport alaŋy salynǧan.
Sairam kömekşı mektep-internatynda bılım memlekettık tılde jürgızıledı. Sonymen qatar, käsıptık mamandyqtar boiynşa diplom berıledı. Qosymşa bılım beru üşın qolöner jäne dene şynyqtyru üiırmelerı de jūmys jürgızedı.
Mektep qabarǧasynda balalar arnaiy oqytudy qajet etetın balalardyŋ psihofizikalyq kemşılıgın tüzetu, funksionaldyq sauattylyǧynyn arttyryp, eŋbekke baulu jäne qoǧamdyq ömırge beiımdep kelude.
Şymkent qalasynyŋ Aqparattyq-kommunikasiialyq ortalyǧy
