Qala äkımı Mūrat Äitenov bılım basqarmasynyŋ toǧyz aida atqarǧan jūmystarynyŋ esebın qabyldady.
Basqarma basşysy J.Täjievanyŋ aituynşa, eseptı merzımde salalyq memlekettık baǧdarlama körsetkışterınıŋ oryndaluy 86,9%-ǧa jetse, «Jobalyq keŋse» platformasynyŋ indikatorlary – 100% oryndalǧan.
Qala boiynşa 782 bılım beru ūiymdary qyzmet atqarady. Onyŋ ışınde 526 – mektepke deiıngı mekemeler, 202 – orta bılım beru ūiymdary, 32 – tehnikalyq jäne käsıbi bılım beru mekemelerı bar.
Kadrlyq qūram boiynşa 28 519 pedagog eŋbek etude. Bılıktılık deŋgeiı bar pedagogtar ülesın 59,5%-ǧa jetkızu josparlansa, naqty 12 208 pedagogtyŋ bılıktılık deŋgeiı arttyrylyp, körsetkış 67,3%-ǧa jetken.
«Mektepke deiıngı tärbie jäne oqytu» mamandyǧy bar pedagogtardyŋ sany 2886 adamǧa jetıp, jospar 100%-ǧa oryndalǧan.
Qala boiynşa 5 771 pedagog mamandardyŋ bılıktılıgı arttyryldy. Pedagogtardyŋ qūqyqtary jönındegı Ädep keŋesterı qūrylǧan. Qalamyzda 17 pän boiynşa pän mūǧalımderınıŋ qauymdastyqtary qūrylyp, kadrlyq rezerv instituttary jasaqtalǧan.
Pedagogikalyq universitettermen memorandumdar tüzılıp, «YouTube» arnasynda pedagogtar üşın üzdık sabaqtar jinaǧy tüzılgen. Pedagogtardyŋ sifrlyq sauattylyǧy körsetkışı 100%-ǧa jetken.
Qalamyzda pedagogtardy jūmysqa qabyldau «HR-Process» aqparattyq jüiesı arqyly avtomattandyrylǧan. Bügıngı künge deiın 2 144 bos jūmys oryndary jariialanyp, jūmysqa qabyldanǧan 1 198 pedagogtyŋ 385-ı – üzdık diplom iegerı, 180 azamattyŋ – magistr ǧylymi därejesı bar, 27 pedagog – şet eldık oqu oryndaryn bıtırgen.
Qala äkımı bılım sapasyn arttyrudyŋ maŋyzdylyǧyn aitty. Sapaly bılımge pedagog kadrlardyŋ äleuetın köteru arqyly jetetındıgın eskertıp, pedagogtardy jūmysqa qabyldau üderısınıŋ avtomattandyryluy öz tiımdılıgın körsetıp jatqandyǧyn nazarǧa aldy. Osy baǧyttaǧy jūmystardy jüielı türde jalǧastyrudy tapsyrdy.
Şymkent qalasy äkımdıgınıŋ baspasöz qyzmetı
