Şymkent qalasynyŋ «Qūrmettı azamaty» alleiasynda «Täuelsızdık jyldardaǧy Qūrmettı azamattary» atty körme ūiymdastyryldy. Qalanyŋ damuyna, örkendeuıne öz ülesterın qosyp, är salada eŋbegımen jetıstıkterge jetıp, halyqtyŋ qūrmetıne ie bolǧan üzdıkterdıŋ, qoǧam qairatkerlerınıŋ, dara tūlǧalardyŋ esımderın jastar arasynda nasihattau şaranyŋ basty maqsaty.
Täuelsızdık jyldarynda 139 är salada eŋbegı elengen qala tūrǧynyna «Qūrmettı azamat» märtebesı berılgen.
Sondai tūlǧalardyŋ bırı –ardager ūstaz, öz ǧūmyryn bılım salasyna arnaǧan Jüzbaeva Nabira Jüzbaiqyzy. Is-şara barysynda ardager ūstazdyŋ ömır deregı jastarǧa tanystyryldy. Jastarmen syr sūhbat jürgızıldı. Şarany ūiymdastyruşylar aldaǧy uaqytta da eŋbegı elengen tūlǧalarmen kezdesuler men olarǧa qūrmet körsetu jalǧasyn tabady deidı. Aita keteiık, bügınde Şymkent qalasy bılım salasyndaǧy basşylyq qyzmette bolǧan 104 ardager ūstaz bar. Onyŋ 8-ı Şymkent qalasynyŋ «Qūrmettı azamaty».
Şymkent qalasy bılım basqarmasynyŋ baspasöz qyzmetı
